S4 LE ROYADME DE NAPLES

ymagina en lui-meismes que li trop longement séjourner ens es parties de Romme ne li estoit point proufitable , et que li Rommain et Urbains traviUoient grandement à avoir Tamour ^ des Néapolyens et de messire Gharle de la Pais ; si se doubta que li chemin ne fuissent tantos si clos par mer et par terre que il ne peuist retourner en Avignon où *il désiroit'à venir; et la plus principaulx et espéciaulx cose qni Fenclinoit-à retourner, c estoit ce que il voloit donner en don , ensi que recheu Tavoit , au duc d'Ango ^ les drois que Ik roine de Naples li avoit ^ donnés et séelés. Si ordonna ses besongnes bien sagement et secrètement , et montèrent en mer ils et li cardinaulx et toutes leurs familles en gallées et en vaissaulx qui leur estoient venu d'Arragon et de Marselle , le conte de Rokebertin en leur compaignie, un ^ vaillant homme d*armes d'Arragon. Si eurent vent et ordenance de mer en volenté, et arrivèrent sans péril et sans damage à Marselle , dont tous li païs fu grandement resjoïs , et de là vint li pappes en Avignon. Si segnefia sa venue au roy de France et à ses frères qui en furent tout resjoï.

Adont li dus d'Ango qui se tenoit pour le temps à Toulouse , vint veoir le pappe Clément : se li donna li pappes à sa venue tous les dons dont la roine de Naples lavoit ravesti. Li dus d'Ango qui tendoit tousjours à signouries et à hautes honneurs , retint ces dons en grant magnificensse et les accepta pour li et pour ses hoirs , et dist au pappe que dou plus tost que il poroit, il yroit si fors ens es parties par de delà que pour résister contre tous les nuissans à la roine de Naples. Si fu li dus d'Ango avoecques le pappe

• Et Taliance. — •-• Luy et ses cardinaux désirojent. — * Tous. • Nouvellement. — • Très.