EST DONNÉ AU DUC D*AKJOU

environ XV jours , et puis s'en retourna-il à Toulouse dalés la ducoise sa femme, et Clémens demora en Avignon. Si laissa ses gens d'armes messire Selevestre Bude et messire * Bemart de la Salle et Florimont guerryer et heryer les Rommains.

En che tamps avoit en le marce de Toskane et de Ytalie un vaillant chevalier d'Ëngleterre qui sappelloit messires Jehans Haccoude, qui pluiseurs grans apertises d'armes y fist et avoit faites en devant , et estoit yssus hors dou roiaulme de France, quant la pais fu traitie et parlementée des deus rois à Bretegni dallés Chartres. En ce tamps , c'estoit uns povres bacelîers. Si regarda que de retourner en son païs il ne pooit noient prouflter, et quant il convint toutes manières de gens d'armes widier le roiaulme de France par l'ordenance des trettiés de le pais, il se fist chiés de une route de compaignons que on appelloit les Tart- Venus , et s'en vinrent en Bourgongne , et là s'assamblèrent grant fîiison de * tels routes ^, Englès , Bretons , Gascons et Alemans et gens de compaignes de toutes nations , et fu Haccoude uns de chiauls par espécial avoecques Briquet et Carsuelle, par qui la bataille de Brinay fîi faite, et aida à prendi*e le pont de Saint-Esperit avoecq Bernart de Sorges. Et quant il eurent assés gueryet et * heryet ^ le païs , le pappe et les cardinaulx , on tretia vers eulx et vers le marquis de Montferrat qui en ce tamps avoit guerre as signeurs de Melans. Cils marquis les enmena oultre les mons , quant on leur eut délivret sissante mille frans, dont Haccoude en eut en se part • dys mille ' pour li et pour sa route. Quant

* Louis et. — •-» Tels routiers. — *"" Travaillé. — ^ XIII".