ORIGINE

Gand est la souveraine ville de Flandres de puissance , de conseil , de seigneurie , de habitations , de scituations et de toutes choses qui appertiennent à une bonne ville et noble que on pourroit deviser, dire, ne recorder, et que trois grosses rivières, portant navires pour aller par tout le monde, le servent. La plus grosse est la riviôre d*Escault , et puis la riviôre de la L js , et puis la menre la Lieve , combien que elle porte navire et leur fait grant prouffit , car elle leur vient de rÈcluse et dou Dam , dont moult de biens venans par mer leur arrivent. Par la rivière de FEscault qui leur descend d*amont, leur viennent bons grains et vins , le grain de Hajnnau et le vin de Franche. Par la riviôre de la Lys, qui leur vient d'un autre costé, leur revient grant fuison de tous grains du boin pays d'Artois et des marches environ. Ainsi et par juste raison et solution est Gand assise et située en la croix du ciel. Et en devant cheste haysne et esmouvement qui durèrent environ sept ans, de quoy tout le pays de Flandres par toutes ses parties fu tellement essillés et malmenés que on disoit que n'estoit mie à recouvrer au point leur il estoit, devant cent ans après à venir , 11 contes de Flandres souverainement amoit la ville de Gand et les gens dedans estant et prisoit dessus tous les atiltres. Chils contes de Flandres fu ungs saiges , soubtils et vaiUans prinche et de haultes entreprinses et que tous ses voisins resongnoient à courrouchier , et ce que de cuer il entreprenoit , il le vouloit achiever , à quel meschief que ce fuist. Si avoit-il en devant moult esté ewireux en toutes ses entreprinses. Et quant il vey que ceulx de Gand qui estoient si subjet et que tant amoit , prisoit et honnouroit , se commenchoient à rebeller contre luy et opposer à ses intentions que il tenoit à bonnes , il lui deubt bien annuyer ainsi que il fist , et bien le monstra. Ainsi que j'ay cy dess[is dit, ceulx de Bruges y eurent grant coulpe. Je vous vais monstrer comment.

Il est bien vray que la ville de Bruges n'est point bien aisie, ne servie de doulches yaues et que il en ont grant dangier. Se ont eu anchiennement proupos que de la rivière de la Lys qui leur marchist assés près, il en attrairoient en leur ville une