DES TUOUBLES DE FLANDRE. '\M
partie, tant que leur jaue que il appellent la Roe en seroit rafreschie, de quoj Bruges en vauldroit trop grandement Qiieulx, et en ont eus traittiés et parlemens par pluiseurs fois à ceulx de Qand, une fois par amours et par doucheur, Tautre fois le Touloit prendre par puissance et par rigeur, et tant que il y ont par pluiseurs fois fouy et ceulx de Gand leur sont allé au devant et leur ont deffendu leur ouvraige et tant que de la dite rivière il n*ont eu nulle aise. Car ceulx de Gand dient que sans aide et constrainte la rivière les sert et aministre, ce que elle ne puet faire à ceulx de Bruges , et a son cours ainsi que Dieux la ordonné, et que point, de commenchement à la création de leur ville, il ne renvoyèrent ne trenchier, ne querre; mais sur le cours de la rivière de la Lys, de FEscault et la Lieve, les anchiens fondèrent leur ville de Gand, et le vouldront tenir en cel estât en son cours naturel et sans violence, et que, se la ville de Bruges n*est bien servie de douches yaues , il quièrent art et engien par dessus terre, comment il le sèvent , sans à eulx tollir ce que Dieux leur a envoyet de sa grâce et par ordonnance de monde , et que ceste querelle il Tout tenu et deffendu , tendront et deffendront tant que durer pourront et que il y aura pierre en estant en la ville de Gand, ne jà de che propos ne partiront pour chose que il leur doive advenir.
En che tamps estoit en Flandres li contes et li pays en leurs fleurs, et ne doubtoient, ne admiroient puissance de nul seigneur terryen, car il estoîent si gamy et rempli d*or et d'argept , de richesses et de tous biens que merveilles seroit t recorder, et tenoient les riches hommes ens es bonnes villes et ailleurs, et pluiseurs aultres en desoubs, si grans estas de eulx et de leurs femmes que sembloit proprement que les richesses leur abondassent du ciel et que il le trouvassent sans seing et sans paine. Dont pour les grans superfluités qu*il en fisent, Dieux s'en couroucha et leur remonstra; car il furent batu de crueles verges , et porront dire ceulx qui ceste matère liront ou lire orront , que Dieux consentit tout pour eulx exemplyer, et ce puetron bien supposer. Ainsi fu et advint en Flandres à ce temps si-
