SCENE im

GILLET, FELIX, FELIPPES, SCfuiteUrS.

GILLET

«Y de ceux qui espargnent des rentes. Mais que te semble de la garce que tu sjais ?

FELIX

Elle me semble bonne bague, on met de pires pierres en œuure.

GILLET

N'auons-nous pas fait vne vie de gentilshommes 1

FELIX

Quant est de moy ie me passeroy bien de Paradis si i'auoy tousiours à mener vne telle vie en ce monde, et remercie la fortune qui m'a fait aller (sans que i'y pensasse) en l'hostellerie ou vous estiez vous deux.

GILLET

C'est Dieu qui t'a conduit si bien à propos, volontiers qu'il sçauoit bien que tu demandois tels gens que nous. Nous estions bien en train quand tu es suruenu, mais tu nous a remis en besongne. Tu n'en dis rien ; qu'as-tu, Felippot, que tu es ainsi meiancolicque ?

FELIPPES.

Tay peur que ce vin que i'ay beu ne m'entre trop auant dans la teste : il commence à me gaigner desia.

GILLET

Mais, Félix, allon voir nostre vieil maistre, et luy dire qu'il est venu tout à point pour payer nostre escot.

FELIPPBS.

Et moy que deuiendray-ie ! Mais quand i'y pense, ie voudroy bien sçauoir qu'est deuenu mon ieune maistre, et où il est maintenant. Hà voirement il ne me souvient plus qu'il est en prison : ie suis yure, cecroy-ie! il est temps que ie pense à luy. Mais qui sont ceux qui sortent du logis de Dame laqueline? Hau, i'entreuoye, ce me semble, mon vieil maistre. Que diable fait-il auec le maistre du guet de cette ville? Me voudroit-il bien faire prendre par luy? Il vaut mieux que ie m'en fuye.