SCENE PREMIERE
ciNtHiEN, THEMOLE, son scruitcur.
CINTHIEN.
THEMOLE, que te semble de ce Fizician ou Negromant, ou que ce soit ?
THEMOLE.
Monsieur, il me semble vn renard plein de finesse.
CINTHIEN.
Vn renard n'est si caut.
THEMOLE.
Que sçait-il dauantage ?
CINTHIEN.
le te puis dire qu'en tout il est très docte à fait. Il sçait de l'art Magique ce qu'on peut sçauoir, etcroy que tout le monde n'a pas son pareil.
THEMOLE.
Qu'en sçavez-vous ?
CINTHIEN.
Son vallet m'en a dit choses estranges et emerueillables.
THEMOLE.
Deà Cinthien, que Dieu vous aide, faites en encor part à moy.
CINTHIEN.
Il me dit qu'à sa poste il faisoit illuminer la nuit et obscurcir le iour.
THEMOLE.
Si i'allume une lampe la nuit, et si de iour ie clos les fenestres.
Beste que tu es, ie te dy qu'il estaint le soleil par tout le monde et fait la nuit par tout reluysante.
THEMOLE.
Ceux qui ont des oliues et des mouches à miel luy deuroyent donner salaire.
CINTHIEN.
Pourquoy ?
THEMOLE.
Pour ce qu'il peut diminuer ou croistre le pris quand il luy plait à la cire et à l'huile. Sçait-il faire autre chose .''
CINTHIEN.
Il fait mouuoir la terre quand il veut.
THEMOLE.
le la remeus telle fois moy mesmes, si ie mets vn pot au feu, ou si ie l'en oste.
CINTHIEN.
Tu te railles donc, et te semble ouir des bourdes. Que dirois-tu de ce qu'il va inuisible quand il veut?
THEMOLE.
L'auez-vous veu aller .<*
CINTHIEN.
Sot que tu es, comment se peut-il voir s'il va inuisible?
Que sçait-il faire encor ?
CINTHIEN.
Il fait transformer, quand bon luy semble, des femmes et des hommes en diuers animaux, et volans, et marchans à quatre pieds.
THEMOLE.
Cela se voit faire tous les iours, et n'est pas vn miracle.
CINTHIEN.
Où se voit-il faire ?
— CXLIII -• THEMOLE.
En nostre peuple, il se fait en toute cité d'Italie.
CINTHIEN.
Et comment?
THEMOLE.
N'auez-vous pas veu qu'un qui est mis sur la victoire, ou soit controlleur des gabelles, ou iuge, ou notaire, ou soudoyeur des gendarmes, laisse incontinent toute forme humaine et prent celle d'vn loup, d'vn renard ou d'vn milan?
CINTHIEN.
Il est vray.
Et quand quelqu'un de bas degré vient estre conseiller et secrétaire ou qu'il aye 1 office de commander aux autres, n'est-il pas vray qu'il dénient vn asne ?
CINTHIEN.
Tres-vray.
THEMOLE.
le ne dy mot de beaucoup qui deuiennent boucs.
CINTHIEN.
Tu as vne meschante langue, Themole.
THEMOLE.
C'est vne meschante langue que celle qui dit des songes et foUies pour choses vrayes.
CINTHIEN.
Tu ne veux doncques pas croire que cestuicy face telles expériences j"
THEMOLE.
Ainçois ie veux croire qu'il en fait de plus grandes quand auec simples paroles, sans en demonstrerle moindre effet, il peut arracher des mains de vostre vieillard très avare ores des deniers, ores des biens, quelle autre chose peut estre plus emerueillable que ceste cy 1
CINTHIEN.
Tu ne fais que causer et ne respons point à propos.
THEMOLE.
Parlez moy de choses vrayes, ou pour le moins qui se peuuent croire, et ie vous respondray comme il conuient.
CINTHIEN.
Dy moy cecy : crois-tu que cestuy soit grand maistre de magie?
THEMOLB.
Qu'il soit magicien, et excellent, ie le puis
croire : mais que les miracles que vous me diites se puissent faire par art magique, ie ne le croiray point.
CINTHIEN.
La petite expérience que tu as du monde en est cause. Dy moy, crois-tu qu'vn magicien puisse faire choses miraculeuses ?
THEMOLE.
Ouy bien, mais non pas qu'il face l'homme invisible, ou qu'il le face transformer en beste et telles choses qu'à peine les peiis enfants croyroient.
CINTHIEN.
Tu es opiniâtre en ton ignorance. Tu me confesseras au moins que les esprits se peuuent coniurer tant qu'ils respondent à ce qu'on cherche entendre d'eux.
A dire vray, i'en croy bien peu de ma part, quant à ces esprits : mais les grands personnages et princes et prélats qui vous croyent font que ie vous croye aussi.
CINTHIEN.
Or, m'accordant cela, tu me peus aussi accorder que ie suis le plus malheureux et infortuné qui se treuve auiourd'huy au monde.
THEMOLE.
Comment ? poursuivez.
CINTHIEN.
Si cestuy vient à coniurer les esprits, ne sçaura-t-il pas que ie ne suis malade ny débile comme ie me feins ? et la cause qui me le fait feindre ?Ne sçaurat-il pas encor que par ce moyen ie tasche d'oster de moy la fille d'Abondé et que Lauinie est ma femme ? et le sachant, et le raportant à mon vieillard, à quels termes suis-ie ?
THEMOLE.
Certes très mauuais. Voulez-vous que ie vous declaire vne chose que i'ay en la teste,qui vous sera peut estre vtile ?
CINTHIEN.
Di.
THEMOLE.
A mon aduis, que cestuy est moult conuoyteux de gaingner.
le suis de mesme aduis encor. Eh bien ?
THEMOLE.
Vous deuez donc estre certain qu'il se prendra plus volontiers à quarante qu'à vingt.
— CXLYII — CINTHIEN.
le le croy bien.
THEMOLE,
Le vieillard luy a promis vint escus s'il vous deliure, possible en contant les frais,
CINTHIEN.
Suy.
THEMOLE.
Allez et le retrouuez, et luy faites entendre toute vostre pensée, ensemble luy faisant vn offre magnanime de quarante florins, et qu'il face tant que ce mariage se deslie.
CINTHIEN.
Mais de qui trouveray-ie quarante liuresen ce temps, tant s'en faut que nous eussions des floiins?
THEMOLE.
Parlez en avec vostre Nanne et avec Cambien, qu'ils en trouuent.
Ils n'ont pas plus de moyen que nous.
THEMOLE.
A fin que cest effet s'ensuyve qui seroit plus utile à elle qu'à vous, ie me fay fort qu'ils mettront plutosten vente leurs lits, leurs meubles, et tout ce qu'ils ont en la maison où ils se tiennent.
