SCENE IIII

CINTHIEN, ieune homme, maxime.

CINTHIEN.

IVlonsieur.

(ï) Le carlin vaut iij sols (iVofe dç l'autçur).

— CZXXVII — MAXIME.

Escoute vn peu, ie te veux dire ce que plusieurs fois i'ay eu en fantazie et ay eu iusques icy, me défiant de mon penser. Or puis que ie te voy venir tout à temps, ie te le veux encor dire : la pratique que tu as auec nostre voisin Cambien ne me semble moult bonne ne louable : mal conuiennent ensemble les vieux et les ieunes.

CINTHIEN.

Monsieur, ceste parole est contraire à ce que vous me soûliez dire que les ieunes apprennent tousiours en pratiquant auec les vieux.

Mal peut-on apprendre où le disciple est plus sçauant que le maistre.

CINTHIEN.

Faites que i'entende ce que vous voulez dire.

MAXIME

Si tu ne l'entensie teledirayenlettresd'Apoticaire. Il me semble mal conuenable qu'vn vieillard aye auecques toy si priuée familiarité, lequel a si belle etieune femme, que mesmestu trafiques en sa maison soit qu'il y soit ou n'y soit pas. Tu sçais que par le passé que tu es-

— cxxxvni —

tois deslié du lien de mariage, le t'ay laissé viure à ta poste et ne me donnois fascherie que le voizin eust infamie par toy, car luy n'ayant gueres soin de son honneur, beaucoup moins m'en doi-ie soucier, mais ores que tu as femme à ton costé et que les parens d'icelle se sont plaints à moy de telle pratique...

CINTHIEN.

Ce n'est point par maie intention si ie hante en ceste maison et n'y a aucun péché entre moy etceste ieune fille, ainsi Dieu m'en soit tesmoin : mais qui peut refraindre les langues médisantes qu'ils ne babillent à leur plaisir ?

MAXIME

Quand ce seroyent menteries, qu'y fais-tu ? Quelle accointance as-tu auec eux ?

CINTHIEN.

Non autre qu'amitié bonne et honneste. Mais en quelle maison voiez-vous des Dames qui ayent quelque grâce ou beauté qu'il n'y voisent tousiours des gentilshommes les courtiser, soit que les marits y soient ou non ?

MAXIME

L'vsage en est à louer. Cecy n'este it pas a<^ çoustumé de mon temps.

CINTHIEN.

Les iouuenceaus en vostre temps deuoyent auoir plus de malice qu'ils n'ont de nostre âge.

MAXIME

Non pas, mais les vieillars estoyent plus accors. le m'ebahy qu à présent les hommes ne sont gras comme tourtres.

CINTHIEN.

Pourquoy ?

MAXIME

Pource qu'ils ont tous si bon estomac.