SCENE III
NEBBIE, LEFIZICIEN, CAMILLE.
NEBBIE.
DE ces trois perdrix que vous auez empietées laquelle pensez vous manger à la fin?
le les iray becquetant une à une, et puis à la fin ie m'attaqueray à la plus grasse, et la mangeray toute.
NEBBIE.
Vous voicy une viande toute apprestée.
Mettez vous à table quand vous voudrez, si vous avez appétit.
(i) Il confond les escus auec les florins {Note de l'auteur).
FIZICIEN.
Qui est ce ? Camille ?
NEBBIE.
Ouy.
FIZICIEN.
le le veux tost manger, qu'à peine les os luy resteront. O Camille 1
CAMILLE
O maistre !
LE FIZICIEN.
Auez vous veu la lettre?
CAMILLE
Ouy.
Que vous en semble ?
CAMILLE
Elle me semble pénible et de grand danger : elle voudroit que ceste prochaine nuit ie me conduise en sa chambre.
FIZICIEN.
Comme s'elle demandoit que vous eussiez à entrer en la prison des lions affamez.
CAMILLE
Et me menace à la fin que si ie diffère d'al-
1er par deuers elle, elle veut venir deuers moy, et que l'en parle auec vous, que vous m'informeriez très bien de tout le reste.
FIZICIEN.
Que pensez vous qu'elle die? Camille, ievous fais à sçauoir pour certain que vostre Emilie a telle enuie et telle rage d'estre auecques vous qu'en fin elle se délibère ceste prochaine nuit de s'enfuir du lit de son mary et de vous venir trouuer en la maison.
CAMILLE
Helas, ostez luy ceste pensée : car ce seroit le plus grand scandale qu'il puisse au monde aduenir à femme.
FIZICIEN.
Pensez que i'ay fait outre le possible : et n'ay sçeu trouuer autre remède, sinon de luy donner la foy de vous mettre ceste nuit auec elle : car ie feray dormir Cinthien à ma maison, soubs l'ombre de luy faire certains bains qui doyuent estre vtiles à son impotence. Ainsi veus-ie que vous y alliez.
CAMILLE
Me conseillez vous cecy ?
FIZICIEN.
le vous le conseille, à fin que vous la puis-
siez disposer à ce qu'elle attende encores le terme de quatre iours au plus, qu'auecques licence de son père et satisfaction et grâce de ses parens et amys elle puisse légitimement et auecques son honneur venir à vous.
CAMILLE
Et comment se pourroit il feiire qu'y allant ie ne fusse en danger ?
FIZICIEN.
N'en doutez ia : tellefois vous y allez que ie n'en sçay rien, mais ores que ie le sçay, vous y pouuez aller seurement, comme en vostre propre maison.
CAMILLE
Comme y doy-ie aller ?
FIZICIEN.
l'ay cent moyens faciles de vous y enuoyer seurement. le vous feray prendre, si ie veux, la forme d'un chien domestique ou d'une chatte. Que diriez nous en uous uoyant transmuer en un rat qui est si petit? Si en une araignée, si en une puce ? le puis uous changer en autant qu'il y a d'espèces d'ani maux , et vous faire encores reprendre la propre figure, et uous enuoyer inuisible. Mais escoutez un peu : vous transmuant en un chien ou en un chat uous
