SCENE II

NEBBIE, ABONDE, CAMILLE.

NEBBIE.

IE croy qvie ces affailtez m'ayent pris'pour vne pelotte d'vn magot : car l'vn auec sa cassade me frappant m'a chassé tout d'vn coup iusques à saint Dominique...

ABONDE

C'estoit grande follie à vous de vous laisser enclorre en vn coffre, et pour certain vous vous estiez mis en grand danger.

NEBBIE.

le retourne et trouue l'autre tout appresté auec son autre bourde...

CAMILLE

le suis tout estonné de moymesmes toutes les fois que l'y pense.

NEBBIE.

... qui est aposté,ou maine, et faictque ie glisse iusques en Douane. A ceste autre, ils me chassent hors de la porte.

CAMILLE

Vrayement Abonde, ie ne le veux point tant

attribuer à ma follie qu'au vouloir de Dieu, qui par tel moyen a fait voir les trahisons lesquelles on tendoit à nous deux. Mais voicy un de ceux qui m'auoient fait enfermer au coffre et trahissoient vostre fille et moy.

NEBBIE.

le ne sçay où me tourner : mais voicy celuy qui estoit serré dedans. le me doute que par Dieu ils n'ayent fait quelque scandale.

CAMILLE

Hâ maraut, pendart, traistre et déloyal, toy et ton maistre, est-ce ainsi que vous traittez ceux qui se reposent sur vostre foy?

NEBBIE.

Ny moy ny mon maistre ne vous fîmes iamais que bien et plaisir.

CAMILLE

Voire, vn grand bien et plaisir ce vous eut esté s'il fust aduenu que vous m'eussiez fait prendre de nuit en la maison d'autruy, comme vn larron.

ABONDE

Meschans, n'auez vous point de honte ny de conscience de faire sembler vne honneste fille adultère, et par vostre fraude donner tache et infamie aux familles des gentilshommes?.

NEBBIE.

Parlez en à luy, il vous sçaura bien respondre.

le luy en parleray voirement et bien seuerement, mais ailleurs la corde vous fera respondre de cecy et de vos autres meschantes œuures.

NEBBIE.

Vous direz ce qu'il vous plaira, mais ce n'est ia vostre deuoir, ny des gentils hommes, de dire ou faire iniure aux estrangers. Et mon maistre sera bon à vous rendre conte de soy, il sera bon.

ABONDE

Deà laissez-le sans luy respondre autre chose.

CAMILLE

Va au Diable, larronneau. Va au gibet, et t'y pend.

ABONDE

Laissez le aller, et n'entrez plus auant en colère. Mais huy Maxime nousdeuroitappeller.Et possible que ce l'est icy. Non est. Auec quelle hastiveté sort cestuicy ? Il semble tout plein de joye.