LIVRE II, CHAP. XXXIII

qn'on l'adorast et qu'on luy feist, en sa présence, des honneurs divins. Somme, ce seul vice, à mon advis, perdit en luy le plus beau et le plus riche naturel qui feut oncques ; et a rendu sa mémoire abominable à touls les gents de bien, pour avoir voulu chercher sa gloire de la ruyne de son païs et subversion de la plus puissante et fleurissante chose publicque que le i uionde verra jamais. Il se pourroit bien, au contraire, trouver plusieurs exemples de grands personnages ausquels la volupté a faict oublier ta conduicte de leurs affaires, comme Marcus Antonius, et aultres ; mais où l'amour et l'ambition seroient en eguale balance, et viendroient à se chocquer de forces pareilles, je ne foys aulcun double que ceste cy ne gaignast le prix de la maistrise.

Or, pour me remettre sur mes brisées, c'est beaucoup de pouvoir brider nos appétits par le discours de la raison, ou de forcer nos membres, par violence, à se tenir en leur debvoir; mais, de nous fouetter pour l'interest de nos voisins , de non seulement nous desfaire de ceste doulce passion qui nous chatouille, du plaisir que nous sentons de nous veoir agréables à aultruy, et aimés et recherchés d'un chascun, mais encorcs de prendre en haine et à contre cœurnos grâces qui en sont cause, et condamner nostre beauté, parce que quelqu'aultre s'en eschauffe, je n'en ay veu gueres d'exemples: cestuy cy en est. Sparina, jeune homme de la Toscane,

QHalis gemma mtcat , fulvum qnœ dMdft aumm, Auf colla decus, aut capili ; vel quale per ariem Inclusum buxo,aut Oncia terebiniho Lucei ébw * ,

estant doué d'une singulière beauté, et si encessifve que les yeulx plus continents ne pouvoient en souffrir Tesclat continerament , ne se contentant point de laisser sans secours tant de fiebvre et de feu, qu'il alloit attisant par tout, entra en furieux despit contre soy mesme et contre ces riches présents que nature luy avoit fiiicts, comme si on se debvoit prendre à eolx de la faulte d'aultruy, et détailla et troubla, à force de playes qu'il se feit à escient, et de ci-

(') Td, enTiroDoé cPor, un rubis précieux

Dune jeune beauté relève encor les grâces ; Tel le brillant ivoire éléganinrent s'enchâsse Dans le noir térébinthe et dans le bois doré. ViRc, Ên.,\, 134, ir. de Delille.

catrices, laparfaicte proportion et ordonnance que nature avoit si curieusement observée en son visage*.

Pour en dire mon advis, j'admire telles actions plus que je ne les honnore; ces excès sont ennemis de mes règles. Le desscing en feut beau et consciencieux, mais, à mon advis, un peu manque de prudence : quoy? si sa laideur servit depuis à en jecter d'aultres au péché de mespris et de haine ; ou d'envie, pour la gloire d'une si rare recommendation ; ou de calomnie, interprétant ceste humeur à une forcenée ambition : y a il quelque forme de laquelle le vice ne tire, s'il veuh, occasion à s' exercer en quelque manière ? 11 estoit plus juste, et aussi plus glorieux, qu'il feist de ces dons de Dieu un subject de vertu exemplaire et de règlement.

Ceulx qui se desrobbent aux offices communs, et à ce nombre infini de règles, espineusesà tant de visages, qui lient un homme d'exacte preud'hommie en la vie civile, font, à mon gré, une belle espargne, quelque poincte d'aspreté pecnliere qu'ils s'enjoignent ; c'est aulcunement mourir ponr fuyr la peine de bien vivre. Ils peuvent avoir aultrc prix ; mais le prix de la difficulté, il ne m'a jamais semblé qu'ils l'eussent, ny qu'en malaysance il y aye rien au delà de se tenir droict emmy les flots de la presse du monde, respondant et satisfaisant loyalement à touts les membres de sa charge. Il est à l'adventure plus facile de se passer nettement de tout le sexe que de se maintenir deuement de tout poinct en la compaignie de sa femme; et a l'onde quoy couler plus incurieusement en la pauvreté qu'en l'abondance justement dispensée : l'usage conduict selon raison à plus d'aspreté que n'a l'abstinence ; la modération est vertu bien plus affaireuse que n'est la souffrance. Le bien vivre du jeune Scipion a mille façons ; le bien vivre de Diogenes n'en a qu'une : ceste cy surpasse d'autant en innocence les vies ordinaires comme les exquises et accomplies la surpassent en utilité et en force.