LIVRE m, CH\1>. XI

Je n'avois qu'à conserver et durer, qui sont effects sourds et insensibles. L'innovation est de grand lustre ; mais elle est interdicte en ce temps où nous sommes pressés et n'avons à nous deffendre que des nouvelletés. L'abstinence de faire est souvent aussi généreuse que le faire ; mais elle est moins au jour*, et ce peu que je vaulx est quasi tout de ceste espèce. En somme, les occasions en cesto charge ont suivy ma complexion, de quoy je leur sçais très bon gré. Est il quelqu'un qui désire estre malade pour veoir son médecin en besongne? et fauldroit il pas fouetter le médecin qui nous desirerolt la peste pour mettre son art en practique? Je n'ay point eu cest' humeur inique et assez commune de désirer que le trouble et la maladie des affaires de ceste cité rehaulsast et honorast mon gouvernement ; j'ay preste de bon cœur l'espaule à leur aysance et facilité. Qui ne mevouldra sçavoir gré de l'ordre, de la doulce et muette tranquillité qui a accompaigné ma conduicte, au moins ne peult il me priver de la part qui m'en appartient par le tiltre de ma bonne fortune. Et je suis ainsi faict que j'ayme autant estre heureux que sage, et debvoir mes succès purement à la grâce de Dieu qu'à l'entremise de mon opération. J'avois assez disertement publié au monde mon insuffisance en tels maniements publicques. J'ay encores pis que l'insuffisance ; c'est qu'elle ne me desplaist gueres et que je ne cherche gueres à la guarir, veu le train de vie que j'ay desseigné. Je ne me suis, en ceste entremise, non plus satisfaict à moy mesme ; mais à peu près j'en suis arrivé à ce que je m'en estois promis, et si ay de beaucoup surmonté ce que j'en avois promis à ceulx à qui j'avois à faire ; car je promets volontiers un peu moins de ce que je puis et de ce que j'espère tenir. Je m'asseure n'y avoir laissé ny offense ny haine; d'y laisser regret et désir de moy, je sçais à tout * le moins bien cela que je ne l'ay pas fort affecté :

Mené huic confidere monstro.

Mené salis placidi vultum, fluclusque quietos Ignorare ' .'

'1) Moins en hanière.

\t) Moi 1 que je me fie à ce monstre ! que je me repose sur «calme dppareotde œttemer perfide! vmc, En., v, 849.

MoRTAlGHE.