LETTRES D'OLIVIER DE CLISSON ET DE BELLEVILLE

LIEUTENANT DU ROY ES PARTIES DES BASSES-MARCHES A JEHAN LEMERGIER, TRÉSORIER DES GUERRES

5 septembre i3H.

[Archives de Poitiers. — Communiqué par M. A. Lièvre]. Olivier, sire de Clicon et de Belleville, lieutenant du IRoy monseigneur es parties des Basses Marches, à nostre amé

Jehan Lemercier, trésorier des guerres du Koy mon dit seigneur ou à son lieutenant, salut. Nous vous mandons et commandons que aux genz d'armes et archiers cy dessoubz nommez et escripz lesquiex nous avons retenuz par mandement du Ro}^ mon dit seigneur pour aler en nostre compaignie essaier a reconforter la forteresse de Moncontour la ou les ennemis du Roy mon dit seigneur sont a siège apresent vous baillez et délivrer les sommes de deniers cy dessoubz desclareiez. C'est assavoir au connestable de France sur les gaiges des gens d'armes qu'il a amenez en sa compaignie pour le dit voyage oultre la charge qu'il auoit paravant du Roy mon dit seigneur douze cenz frans dor ; à messire Jehan de Malestroit, chevalier, sur les gaiges de lui IX autres chevaliers et hescuiers cinq cenz vint cinq frans d'or ; à messire Pierre de la Grésille sur les gaiges de lui XII II autres chevaliers et hommes escuiers six cenz quatre vins dix sept francs d'or et demi; à Jehan de Guilly sur les gaiges de lui et XV autres escuiers six vins francs d'or. A messire Jehan Cerpillon^ chevalier, sur les gaiges de lui II autres chevaliers et XXI escuiers deux cenz deux frans dor et demy. Au gouverneur de Bloys sur les gaiges de lui A'II chevaliers et XLYIl escuiers quatre vins frans dor; a Gieffroy Berthelemi escuier, sur les gaiges de lui I chevalier et XXV escuiers deux cenz dix francs ; à Guillaume de Coespelle escuier sur les gaiges de lui et XI autres escuiers quatre vins dix frans ; à messire Gieffroy de Karrimel chevalier sur les gaiges de lui et XL escuiers soixante frans dor : à Jehan de Karalouet escuier, sur les gaiges de lui et de LXV escuiers six vins francs. A Jacob Lalain escuier sur les gaiges de lui et de LXVI escuiers six vins francs ; en prenant lettre de recognoissance de ce que baillé leur aviez par lesquelles rapportées avec cest présent mandement tant seulement. Tout ce que ainssi baillé leur aurez sera alloué en bon comptes nonobstant quil ne vous appere de leurs monstres car nous certiffions en notre loyauté avoir veu les dites gens darmes montez et armes soufisament. En tesmoing de laquelle chose nous avons scellé ces lettres de notre propre scel faites et données à Saumur le V* jour de septembre lan mil CCCLX et onze.

(Oiiginal, parchemin, scellé).

24 mars 1374 .