DON DE LA TERRE DE GUILLAC FAIT A CLISSON PAR LK ROY DE FRANCE
22 mai 1371, [Archives nationales JJ. io4. P. 270].
Charles par la grâce de Dieu roy de France, savoir faisons a tous presens et avenir que comme Jehan de Montfort na-
gueres duc de Bretaigne nostre homme lige et per de France ait tenu et encor tiegne notoirement et publiquement le parti de Eddouard d'Angleterre nostre ennemi ait en lui aidant de tout son pouvoir a grever et dommaiger nous et nostre royaume en commettant crime de le majesté par quoy tous les heritaiges possessions et autres biens qu'il avoit en la duchée de Bretaigne et ailleurs en nostre Royaume nous sont confisqués et venons en commis Nous pour consideracion de bons et agréables services que nostre très chier et féal cousin sire de Clicon nous a fais et fait chascunejour lo3'aument et diligement lui avons donne et ottroïe donnons et ottroïons par ces présentes de notre autorite ro3'al de nostre certaine science et grâce especial la terre de Guillac avecques toutes ses appartenances que le dit Jehan de Montfort souloit tenir en la dite duchie laquelle terre et mouvant du fié de nostre dit cousin en sa chatellenie de chasteau-Jocelin comme avons avenue et acquise comme dit est ensemble toutes les rentes et revenues dicell terre tant en blés, terres, près, boys, garannes, fours, moulins, eaues, fiez, bouayes, heritaiges et autres possessions immeubles quelconques comment qu'ils soient diz ou nommes en la valeur de quatre cens livres de terre ou rente annuele ou environ a tenir avoir posséder et parcevoir par nostre dit cousin ses hoirs et successeurs ou ceux qui auront cause de lui perpétuellement a toujours ou cas que la dite terre ne soit pas de lancien domaine de la dite duchie. Ordonnons en mandement par ces présentes en commettant se mestier est a tous les justiciers de nostre royaume presens et avenir ou aucuns lieutenans et a chascun deux si comme a lui appartiendra que le dit nostre cousin ou son procureur pour lui mettent ou lacent mettre en possession et saisine de la dicte terre et des appartenances dicelle en la valeur dessus dicte et leur facent et ses dix hoirs ou successeurs ou ceulx qui auront cause de lui joir et user paisiblement et perpétuellement cessant tout empeschement nonobstant autres dons quelconques personnes et pour quelconques causes que ce soit et ordonnances mandemens ou discussions a ce contraires par telle manière toutevoies et soubz tele condicion que se aucun accort estoit fait ou tems avenir entre nous et ledit Jehan par lequel accort lesdits heritaiges et possessions fussent restitués au dit Jehan de Montfort nostre dit cousin le sire de Clisson ne nous pourroit riens demander par cause de la dicte terre et ne serions [tenu] de lui en faire aucune
recompensacion Et que ce soit ferme chose et estable a toujours nous avons fait mettre nostre scel a ces lettres sauf en autres choses nostre droit et lautruy en toutes. Donné au bal de la Royne le XXII® jour de may lan de grâce mil CCCLXXIII Et de nostre règne le X«.
Par le Roy P. Blanchet.
(Collations).
/7 décembre '^«^'^• QUITTANCE DONNÉE
