RECONNAISSANCE DE CLISSON AU ROI POUR LE CHATEAU DE MONTLÉRY

[Archives nationales^ J. 4oo, n* 70].

Olivier sire de Clicon et de Belleville connestable de France savoir faisons a tous que comme le Roy nostre sire nous ait commis la g^arde de son chastel de Montleri à certains gaig-es et par certaine forme et manière contenue en ces lettres faittes sur ce Nous promettons et jurons que par deffaut de paiement de noz diz g^aiges ou de reparacions que nous ferions faire ou dit chastel durant le temps que nous en ferons garde ou pour autre cause ou occasion quelconque Nous ne retendrons le dit chastel en gaige ou autrement. Mais le baillerons et livrerons au Roy ou a son certain mandement dont il nous apparaîtra par ses lettres toutes et quantes fois que il le nous fera savoir et ou cas toutes voyes que par les annemis du Roy nostre dit seigneur le dit chatel ne seroit pris ou occupe que Dieux ne veuille sous la coulpe ou mal engin de nous en quel cas ne serions tenuz ne pour ce ne nous en pourroit en aucune chose demander. Et aussi avons promis que en iceluy chastel ne ordenerons personne quelconque elle soit ou commettrons en nostre lieu qui avant toute entrée ne face au roi nostre sire semblable serment.

En tesmoing de ce nous avons fait sceller ces lettres de nostre scel. Donne a Paris le XIII1« jour de mars lan mil CGC quatre vins et deux.

Par Mons. le connétable Paule.

(Original parchemin scellé en cire brune Les attaches du sceau brisé sont en parchemin).