PAR LES ANGLAIS

[.Archives nationales, JJ. 128, n° 78].

Charles... etc. Savoir faisons a tous presens et avenir. Nous estre recors que en la première chevauchée que nous feismes en Flandres nous estans a Courtray avec nostre ost le second jour de décembre lan mil CCCIII'^'' et deux donnasmes et octroyasmes a nostre ame et féal cousin et connestable le sire de Clicon pour les bons et notables services quil nous avait faiz et faisoit en nostre dicte chevauchée et autrement en plusieurs manières. Tous les biens quelconques ils feussent que nos ennemis et adversaires d'Angleterre avoient et leur competoient en la ville de Bruges et ailleurs ou pa^^s de Flandres en quelque part que ils fussent lesquels nous appartenoient et estoient confisquez et acquis comme biens de nos ennemis Et que pour lors estoit et encore est nostre entencion que (dans) ces biens dessus dits soient compris heritaig-es et autres biens immeubles de nos diz ennemis quil avoient au dit temps en la ville ou pays dessus dit. Et attendu que nos lettres que nous lui donnasmes et octroyasmes sur ce ont ainsi que entendu avons este perdues Nous considerans ce que dit est... voulons nostre dit don avoir son plain efïect avons octroyé et octroyons que ces présentes vaillent et aient vertu et vigueur et joysse nostre dit cousin et connestable.. etc.. Et afin que ce soit ferme et estable a tous jours nous avons fait mettre notre scel a ces présentes lettres sauf en autres choses nostre droit et lantruy en toutes. Donne a paris lan de grâce mil CCCIIII" et cinq le YI« de nostre règne au moys de feuvrier.

Par le Roy a la relacion de mons. le duc de Bourgoigne.

P. Manhat.

^GoUalion).

Umars, lQ82rAsJ.