PIECES JUSTIFICATIVES

Thibaut de Granges, écuyer, reconnaît devoir à l'abbaye de Saint-Marcel lez Chalon-sur- Saône cent dix sols viennois , équivalent à une rente léguée à cette abbaye par feu Guil" laume de la Marche, chevalier.

(31 octobre 138S.)

En nom de Nostre Seigneur, Amen.

L*an de rincarnacion d'icelliii coiirrant mil trois cens quatre vins et deux, le pénultième jour du mois d*octobre, je, Thiébault de Granges, escuier, faiz scavoir à tous cculx qui verront et ouront ces présentes lettres que je, saichans moy estre teneur entier et possesseur des assignaix de cent et dix sols viennois ou de monnoye à la valeur de quinze deniers à tournois, denz chaseun an à la feste de saint Berthelemy apostre, ou au moins à la prouchainne feste de saint Jehan Baptiste, aux religieux, prieur [et] couvent de Saint- Marceal prez de Ghalon, de annuelle et perpétuelle rente, lesquelx assignaix sont situez à Ghalon en la rue par laquelle Ton va de la Tour nueve vers Ghastelet, entre la rue dicte de Curvillon d*une part et la maison qui fut de Jaquin le Chapuix d*autre part, congnois et confesse moy devoir pour moy et mes hoirs et successeurs auxdiz religieux, prieur et couvent, à cause de leurdit prieurté, lesdiz cent et dix solz de viennois de rente de la monnoye que dessus pour les causes contenues et exprimées ez anciennes lettres de ladicte rente passées et ouctroyé[es] auxdiz religieux par feu bonne mémoire messire Guillaume, jadiz sire de la Marche, chevalier, Bienvenue, sa femme, femme feu monseigneur Guillaume Bonamy, chevalier, et Girard, filz de la dicte Bienvenue et dudit monseigneur Guillaume. Et pour ce je prometz pour moy et pour mes hoirs et successeurs et lez aians cause de moy, par mon serment pour ce corporellement donné sur sains evvangiles de Dieu et soubz lobligacion de tous mes biens, meubles et non meubles, présens et advenir, quelconques et où qu'ilz soient, paier et rendre auxdiz religieux, à cause de leurdit prieurtey, lesdits cent et dix solz chaseun an perpétuelment au terme que dessus, sur la painne contenue es lettres dessusdictes, senz ce que par ces présentes aucune innovacion soit faitte d'icelles lettres aucunnes, lesquelles je veul estre et demeurer en leur

force et vigeur perpétuelment ou sur ce faire leur gré, ensemble tous dommaiges et interest qu'ilz pourroient soustenir en encontre par deffault dudit paiement, toutes et singulières excepcions, actions, raisons, allégations, barres, subterfuges, cautelles et cavillations de d)*oit et de fait qui contre la forme et teneur de ces présentes lettres pourroient estre obiciez, dictes ou opposées, et par lesquelles Teffait d'icelles pourroit estre empeschiez et le paiement de la rente dessusdicte aucunement retardez, tout ainsin comme ce en ses présentes elles estoient toutes de mot à mot inscriptes et répétées ; lesquelles je veul pour telles estre tenuez, esquelles et à chascune d*icelles je renunce pour moy et pour mes hoirs et les aians cause de moy, et au droit disant la général renunciation non valoir se Tespécial ne précède et est avant escripte. Et quant aux chouses dessusdictes et chascune d*icelles fermement tenir, observer entièrement et accomplir, je veul moy et mes hoirs et successeurs et les aians cause de moy estre contrains, comme de chouse adjugée, notoire et manifeste, par la court de Monseigneur le duc de Bourgongne, par prise, détenue, saisine, vendue et exploit de mez biens et par toutes autres voyes et manières dehuez, à la juridiction et cohercition de laquelle court je submés, quant ad ce, moy, mes hoirs et tous mes biens.

En tesmoing de laquelle chose j*ay requis et obtenu le scel de ladicte court estre mis à ces présentes. Ce fut fait en la présence de Ponçot Damote, coadjuteur de Jehan Matliey, tabellion à Chalon pour ledit monseigneur le duc; de Jaquemot de Velotel; de Humbert de Poloingney, sire de Malerée; de Estienne Le Maire, de Savigney en Revermont, escuiers, et de discrète personne et saige maistre Jaques de Latrecey, saige en droiz, tesmoings ad ce requis et appelez, Tan et jour que dessus.

Expedita est per me : Ponçot Damote.

Collection particulière; copie communiquée par M. Edouard André, de Nuits-sous-Beaune (Gôted'Or), archiviste paléographe.

Quittance de Guillaume de la Marche pour ses gages de bailli des foires de Chalon^ur^Saàne.

(!•' avril 1385.)

Saichent tuit que nous Guillaume, sire de la Marche en Braisse, chevalier, bailli et maistre des foires de Chalon, confessons avoir eu et reçeu de Andri Pustot, receveur de Monseigneur le duc en noz bailliage et maistrise des dites foires, la somme de dix frans d'or, qui nous étaient deuz par noz gaiges ordinaires de la foire froide dudit Chalon der-

SUR OLIVIER DE LA MARCHE. ISl

renement passé. Desquelx x frans nous nous tenons pour contens et en quittons ledit receveur et touz autres à qui il puet appartenir. En tesmoin de ce, nous avons fait mettre nostre seel à ceste quittance faite et donnée le samadi saint avant le saint service, premier jour d'avril, Tan mil CGCIllP'' et quatre.

Brenot.

(Archives de la Côte-d'Or, B. 347.)