CHAPITRE PREMIER

La Terre est ronde et immobile.— Utilité d'apprendre les sciences exactes en français. — Usage de là chambre noire pour observer les éclipses. — Excuse au lecteur.

Jean-Pierre de Mesmes, 1557.

Les Institutions astronomiques, contenans les principaux fondemens et premières causes des cours et mouvements célestes* Avec la totale reuolution du Ciel et de ses parties : les causes et raisons des éclipses, tant de la Lune, que du Soleil. — A Paris, de l'imprimerie de Michel de Vascosan, demeurant en la rue S. laques, à Tenseigne de la Fontaine. MDLVII,

Que la terre est ronde. (Chap. xviii.)

(( Elle ne retient point la forme d'un tabourin selon Leusippe, ny d'un bateau selon Heraclit, ny d'une colomne selon Anaximandre, ny d'un canal selon De«^ inocrit, ny d'une plate forme selon Empedocle, ny d'une pyramide selon d'autres resueurs : mais une forme ronde et Spherique. Et qu'il soit ainsi chacun sçait que toute superficie endure longueur et largeur. En longueur (qui se fait d'Orient en Occident) la terre se monstre ronde : car le Soleil, la Lune e. les autres corps célestes ne se monstrent iamais hors terre tout à un coup, ny en un mesme instant, à tous les uiuans qui sont sur terre, ains plustost se présentent à ceux qui sont en Orient, que à ceux qui sont en Occident,

Maupin. Curiosités mathématiques. 1

et les nations Orientales iouyssent en 24 heures plustost du Soleil Leuant, du midy, et du couchant, que ne font les Occidentales.

» Mais si la terre estoit canelee, ou cauée en façon d'un bateau, lors toutes les estoilles se monstreroyent plustost aux Occidentaux qu'aux Orientaux. Si elle estoit plate et unie, ceux du Leuuant et du Ponent uerroyent en mesme temps tous les corps célestes se leuer, et en mesme temps se coucher. Si elle estoit colomnale ou en façon d'une colomne, de sorte que l'un bout plat regardast nostre pol, et l'autre bout le pol opposite au nostre, et que la rondeur de la colomne allast d'Orient en Occident, ceux qui seroyent au tour de la colomne, ne sçauroyent uoir une seule estoille, qui fust totallement exempte du leuant et couchant. D'autre part, celles qui sont tout ioignant nostre pol, leur seroyent eternellemont cachées : car le haull front de la colomne les cacheroit de sa plate 'rondeur. Et tout ainsi que nous auons monstre la terre estre ronde en longueur, semblablcment elle retient la mesme forme ronde en largeur, qui est de l'un à l'autre pol, ainsi qu'il appert en plusieurs estoilles, lesquelles uoisynes à nostre pol, iamais ne se leuent, et iamais ne se couchent : et celles qui sont soubz terre, ioignant le pol Contr'ursin, iamais ne se présentent à noz yeux. Mais si nous allez par mer ou par terre de Midy vers le Nort, pour certain tant plus nous irez auant, et plus l'estoille du pol Vrsin (qui ne bouge, ou bien peu) approchera le poinct capital de nostre teste, et ce pendant uous perderez de ueue ces estoilles australes, qui parauent se presentoyent à nostre ueue en pleine minuict, et estoyent lors ioignant le finissant Austral ou myiournal : d'autre part uous commencez descouurir en mesme temps par sus le finissant Boréal certaines estoilles,

qui parauent en peu de temps se leuoyent et couchoyent.

» Toutes ces raisons ont lieu en la rondeur, que Teau faict auec la terre, combien que le grand Océan ne soit desgarny de ses argumens, pour monstrer qu'il est participant avec la terre en rondeur : car ceux qui uoguent en pleine mer, ne peuuent rien uoir que Ciel et mer : mais approchans la rade, ilz commencent peu à peu descouurir le feste des montaignes et des tours, comme si elles sortoyent du milieu de l'eaue. Au rebours ceux, qui sont au tillac du nauire, qui puis nagueres estoit party du haure, perdront de ueue le lieu, dont ilz ont desancré : mais ceux qui sont à la hune, et au plus haut du mast, uerrpnt encore le mesme haure.

» Oultre plus nature a uoulu, que toute liqueur deualast es lieux profonds et panchez, et ne cessast de couler au fond, tant qu'elle fust uenue de son abondance iusques au bort de la fosse. Il faut aussi par cela arrester, que celle grand'assemblée d'eaues, que nous appelions la Mer, tient sans cesse ce grand giron et cauerneux pertuis de la terre tout plein et remply, de sorte qu'elle est esgaïe à la superficie terrestre : à quoy s'accorde le Psalmiste David, disant en ceste sorte,

Il a les eaues de la mer empochées Gomm'en un sac, et non content encor, Les a dedans les creux cauins cachées, Gomme Tavare en un trou son trésor,

» Il faut donq que le dessus de la mer suyue formellement la terrestre rondeur. Vray est que nous uoyons toutes les eaues douces deualer en la mer : et pourtant la terre est plus haute, tant pour arrester l'assemblée des eaues (qui autrement ne seroit perpétuelle, comme elle est) que pour donner seiour et manoir commode aux créatures uiuantes. Et si toutes ces raisons sont

debatues, je me fay fort, que les matelotz et gens de mer les soiistiendront par maints et beaux exemples de leurs uoyages et longues nauigations. Et posé que quelque fin Sophiste confondist et mes argumens, et leurs exemples, qui déniera que toute umbre ne représente la forme de son corps umbrageux? Le corps de la pleine Lune perd sa lumière, à mesure que Tumbra de la terre se met diamettralement entre le Soleil et elle : mais la Lune, en entrant et sortant hors de Tumbre terrestre, se uoit du commencement bossue et cornue, et uers la fin cornue, puis bossue. Il faut donq arrester, que la masse terrestre est ronde puis que son umbre est ronde : ce que les saincts Prophètes confessent, appelans la terre en maints endroits, Orbis terne. D'auantage raison ueult bien, que la créature tienne quelque chose de son Créateur : car tout ainsi que le Créateur est éternel, exempt de commencement et fin, et infiny en sa grandeur, au semblable n'est possible d'assigner fin ny commencement à la figure ronde. Et non seule» ment la terre, mais aussi tous corps, et toutes leurs appartenances, tiennent quelque chose de la figure ronda, comme les membres de tous animaux, les fruicts, fueilles, arbres, plantes, pierres, et corps celestes : tant nature (ainçois le père de nature) s'est delectee de créer ce monde, et toutes ses parties à son image et semblance, tesmoing M. Manil, disant ainsi :

De ce grand tout ceste éternelle forme, Qui est sans fin et sans commencement, Ronde par tout, et ronde egallement, Au naturel du grand Dieu se conforme.

» Mais (dira quelqu'un) les hautes montaignes, les rochers poinctuz, et les profondes uallées, s'opposeront à la rondeur de la terre : ioinct aussi que ie ne

puis uoir sa rondeur, le lui respondray, que toutes ces choses sont de si petit esgard au respect de toute la masse, qu'elles n'empeschent aucunement sa rotondité : car la terre resemble à une grosse boule de pierre, qui est esbauchee et lourdement taillée, sans façon, et sans aucune polissure, toutefois nous l'estimerez bien polie et faicte au tour, si nous la uoyez de loing : pour ueu aussi qu'elle ne soit si lourdement taillée, que Vœi\ humain perde le jugement de son diamètre, ou de sa rondeur. Et si un petit uerme marchoit sur ceste boule, il ne uerrait autre chose (selon sa fantaisie) que monts et uallees : au cas pareil ceste rondeur terrestre est incompréhensible à nos yeux, et tel estes uous au près de la terre, que le petit uerme est au respect de la boule : ioinct que le plus haut feste de la plus grande montaigne du monde, mesurée à plomb iusques au pied, ne sçauroit surmonter lo stades, ainsi que Eratosthene soustient par ses dioptres, et remonstre que la proportion de la terre à lo stades, est comme un à 18.000 stades. Et si uous coupez, et mettez à part un pied ou deux de la courbure d'une roue ou d'un cerne, qui ayt mille pas de tour, pour certain ce fragment entamé, et mis à part, nous sembleroit tout droict : au semblable nostre œil ne sçauroit iuger de la rondeur terrestre, encore fussiez uous au sommet de la plus haute montaigne du monde, ainsi direz que celle portion de terre, qui se présente à nostre ueue, est toute plate et unie. Monstrons consequemment, qu'elle est ferme et immobile. »

Que la terre est immobile et arrestee. (chap. xix.)

« Archimede, en son petit traicté du nombre de l'arène, dict qu'Aristarque Samien, qui fleurissoit

3qo ans deuant nostre Sauueur, avait soutenu ce paradoxe ou contr'opinion, que le Soleil estoit au centre du monde arresté et immobile, et que la terre, estant entre Mars et Venus, faisait sa reuolution en 24 heures autour du Soleil, comme les autres planètes. Copernic, un autre second Plolemee, s'ayde de ceste absurde opinion, pour faire ualoir ses démonstrations, et pour donner bastiment à ses reuolutions célestes, qui seroyent totalement nulles, sans telle faulse hypothèse, ou proposition : laquelle ie ne ueuil soustenir, tant pour n*estre au roole de ceux qui ueulent défendre choses nouuelles et absurdes, que pour ne troubler les rudes et foibles esprits des apprentifz. le me contenteray donq des raisons naturelles, et de la commune opinion, pour demonstrer que la terre est arrestee au milieu de l'air. Et premièrement il est tout certain, que le centre iamais ne bouge, pendant que le pied du compas faict son tour : Mais la terre se tient au fin milieu de l'air, comme au uray centre du monde. Il faut donc dire que la terre est sans mouvement. (Macrobe au Songe de Scipion).

» La terre ne se peult remuer de droict fil : car tout corps lourd et pesant deualle sans cesse, et tasche de trouuer le milieu pour illec s'arrester : car le centre ne bouge iamais. Si donq les parties de la terre nécessairement se reposent sur la superficie de la terre, au lieu de leur centre, il s'ensuit que la totale masse terrestre se repose, ioinct que les parties iouissent de mesme naturel, que le total. Toutes les parties de la terré, et tous corps mixtionnez, s'en uont de droict fil à la terre pour prendre repoz : il s'ensuit donq, que toute la terre repose.

» La terre ne se peult remuer en tournoyant : car un corps simple se contente d'un seul mouuement: la terre

est un corps simple : parquoy ne luy appartient qu'un seul mouuement. Mais ks parties de la terre se con»tentent d'un seul mouuement, qui est droictement du hault en bas, et uers le milieu ou elles se reposent : il s'ensuit donq, que la terre ne demande point un mou^ uement rond et circulaire. D*auantage un soudain mouuement est contraire à llassemblage, qui est tresnecessaire à toutes choses naissantes : la terre est comme un neutre et amarri de toutes choses naissantes. Il faut donq que la terre ne bouge, non plus qu'une femme grosse preste à accoucher. Si la terre donq estoit remuée iournellement comme un des planètes d'Orient en Occident, puis par soubs le Soleil d'Occident en Orient : pour certain elle briseroit, de son soudain remuement, toutes ses parties et appartenances, de sorte qu'elles ne se pourroyent tenir debout, et les choses ruées en l'air, ne tomberoyent à l'endroit dont elles se royent parties. Gomme il appert en la chose qui tombe du plus hault du mast en bas, elle ne se rendra au pied du mast,: mais plus arrière : par ce que pen.dant sa cheute, le navire passe oultre, et faict que la chose cheute. n^peult trouuer la place qui est dessoubs le uray plomb. Item, si la terre estoit au lieu du Soleil, et le Soleil au lieu de la terre, pour certain nous uerrions le nuage et les oyseaux, qui sont en l'air, aller uers Occident : par ce que le soudain et rude contour de la terre tirant vers Orient, les laisseroit à sa queue, et de brief les perdroit de ueue. Et si le nuage, les oyseaux, et la terre estoyent auec les quatre elemens emportez de mesme uitesse au tour du Soleil, il nous seroit aduis, que le nuage, et les oiseaux, seroyent plantez en Tair, et tousîours immobiles : mais l'expérience répugne à toutes ces choses. Parquoy la terre n'est sùbjecte à un; seul mouuement, ains est tranquille

s LA TERRE EST RONDE ET IMMOBILE

et coye. Si toutes ces cinq raisons physicales ne uous content, i'auray mon recours aux auctoritez de la saincte escriture, qui sont, ou doiuent estre, préférées à toutes les raisons humaines. Et premièrement i^allegueray celles qui monstrent le Soleil estre subiect à mouuement. Oyez ce que dict le noble Poëte Hébreu,

Dont il sort ainsi beau Qu'un espousé nouueau Du lict de Tespousee :

Semble un Géant moult grand, S'esgayant quand il prend Sa course tant prisée.

D'un bout des lieux il sort.

Et gaigne Tautre bord De course uiolente.

Oultre plus ie sçay bien Qu'en terre n'y a rien Qui sa chaleur ne sente.

y> Entre les plus beaux et plus grans miracles du Seigneur, nous lisons que le Soleil arresta son cours iournel à la requeste de losué, et qu'il se recula pour asseurer le Roy Ezechie de sa guerison : Mais soyons contens de ceste auctorité pour le Soleil. Oyons ce que le mesme Poëte dict de la terre :

Qui donna fondement Et ferme bastiment A la terre solide :

Tant qu'elle durera Tousiours s'arrestera Au poinct de l'air liquide.

)) Mais oyons parler l'Ecclesiaste, ou le Sermonneur, dict en ceste sorte : La terre se tient tousiours au milieu, le Soleil se leue et se couche, et se leue aussi tost

qu'il est paruenu en son lieu. Oyez que dict le Prophète Esdras : Le cours du Soleil est soudain, et le Ciel tourne en un iour. Peult estre qu'aucuns se moqueront de l'Astronome, pour ce qu'il s'ayde des divines auctoritez : toutefois nous trouuons fort honeste d'accorder la Philosophie céleste avec les sentences diuines, et s'ayder d'icelles pour esclarcir et confirmer le iugement des hommes, et les raisons qui ont esté cy dessus déduites. »

Ce bel in-folio est imprimé avec une netteté remarquable. Il porte en marges un nombre prodigieux de renvois aux auteurs profanes et sacrés; le « Poëte astronomiq » Marc Manil (i) y est souvent cité. Voici un extrait de la préface, où l'auteur explique son plan :

« Par quel desastre donq et malheur la nation Françoise, princesse des nations, a esté priuée si long temps de ceste doctrine ? Mais elle ne ueult dégénérer de ses maieurs, lesquels iusques au temps de Pline auoyent tousiours eu à desdain ceste partie. le l'ay toutefois nommée princesse des nations : et ce, quant au faict des armes, de marchandise, du labeur, et de manufacture, et des procez. Ou est auiourd'huy la nation, qui surmonte la nostre en ces cinq poincts, soit en l'exécution d'iceux, ou abondance de leurs termes? Puis peu de temps les langues antiques se sont appriuoisees en France. O Roy François, père de toutes bonnes lettres, nous te deuons ce bien. l'espere que ton filz Henry, ores régnant, continuera le soustien des arts et sciences : car ie voy desia la poésie et l'histoire Françoise hors de page : les deux philosophies, moralle et naturelle, sortans de nourrice : et les mathématiques en leurs nais-

(i) Marcus Manilius, contemporain d'Auguste et de Tibère.