DES NOUVEAUTÉS EN MATIÈRE PHILOSOPHIQUE

I. « II y a vne certaine ardeur et auidité après la nouueauté, qui reste tousiours attachée à la nature des hommes, et fait partie de cette première image : c'est à sçauoir cette vaste estenduë et infinie capacité créée au commencement dans le cœur de l'homme. Car depuis sa deprauation en Adam s'apperceuant estre vuide de tout bien, il empoigne maintenant chaque chose nouuelle, s'imaginant qu'il pourra possible trouuer dequoy se satisfaire en quelqu'vne des créatures ses compagnes. Mais nostre aduersaire le diable, qui tasche par tous moyens de peruertir nos dons et nous battre avec nos propres armes, à tant fait par ses adresses, qu'auiourd'huy toute vérité semble desgoustante et fade pour la mesme raison qui fait embrasser l'erreur, assauoir sa Nouueauté. Car que quelque nouuelle hérésie soit seulement proposée et mise en avant, et il se trouuera tout aussi tost des personnes qui la prendront pour canonique, et en feront partie de leur croyance et de leur foy : au lieu que la vérité demeure seule, et ne sçauroit en aucun lieu trouuer un aussi prompt accueil : mais

Maupin. Curiosités mathématiques. 5

oette mesme Nouueauté qu'on tient eslre la louange de Terreur et qui la rend agréable, est estimée le défaut de la vérité,, et fait qu'elle est rejettée

» C'a tousiours esté le malheur des veritez nouuelles dans la Philosophie, de seruir de risée à ceux qui ignorent la cause des choses, et d'estre reiettées de ceux qui par vne certaine peruersité d'humeur, se plaisent à s'opposer incessamment à l'opinion d'autruy, et dont» Tenuie et l'orgueil n'approuue rien de nouueau pour véritable, que ce dont eus-mesmes ont esté les premiers Autheurs. De sorte que ie ne puis attendre autre chose que d'estre accusé d'ignorance et d'vne hardie ostentation : sur tout puis que pour cette mesme opinion Xenophanes homme dont la seule authorité estoit éapable de faire adiouster foy à son assertion, n'a pu eschapper pareille censure. Car Natalis Comes parlant de ce personnage et de cette sienne opinion, dit : — Il y en a qui pour monstrer qu'ils n'ignorent rien, introduisent en la Philosophie des nouueaux monstres, afin de passer en suite pour inuenteurs de quelque chose. — Et ce mesme Autheur en. vn autre endroit accuse aussi de folie Anaxagore pour cette mesme opinion. — Car, dit-il, ce n'est pas vn petit degré de folie de prononcer hardiment de chose proposée, sans l'entendre, et sans sçauoir que dire — .

» Si ces personnages là ont esté censurez de la sorte, ie puis bien m'attendre que la pluspart se mocqueront de moy, et que ie ne seray creu que de peu ou point de personnes : principalement puis que cette opinion semble estre accompagnée de tant d'extrauagance et de contradiction au sentiment vniuersel des autres. Mais quoy qu'il en soit ie suis résolu de ne point perdre courage pour cela, puis que ie sçai très bien que ce n'est • pas l'opinion commune qui . puisse ou rien

adiouster, ou rien diminuer à la vérité Car d'autres

veritez ont esté autrefois estimées aussi ridicules. Tesmoin les Antipodes, dont plusieurs grands et doctes personnages se sont moçquez, comme entr'autres Hérodote, Saint Chrysostome, S. Augustin, Lactance, le vénérable Bede, Lucrèce le Poëte, et ce grand Ecriuain Abulensis; ensemble tous ces Pères ou autres Autheurs qui ont nié la rotondité des Cieux. Hérodote l'estimoit estre une si horrible absurdité, qu'il ne pouùoit s'empescher de rire quand il y pensoit. — le ne sçaurois me tenir de rire, dit-il, de voir tant de personnes se bazarder à descrire le tour de la terre, racontans des choses où il n'y a du tout point de sens, comme que la Mer coule tout à l'entour du Monde, et que la terre mesme est ronde comme yn globe.. — Mais cette grande ignorance n'est pas tant à admirer en luy, qu'en ces plus sçauans et plus célèbres personnages des derniers temps où toutes les sciences ont commencé à fleurir. Comme par exemple, sainct Chrysostome, qui en son Homélie. i4. sur TEpistre aux Hebrieux, fait vn deffi à quiconque ose maintenir que les Cieux sont ronds, et non pas plustost comme vne Tente ou Pauillon. De mesme S. Augustin lequel censure ce récit des Antipodes comme estant une fable incroyable; et auec luy s'accorde l'éloquent Lactance. — Que dirons-nous, dit-il, de ceux. qui pensent qu'il y ait des Antipodes, et des hommes qui cheminent les pieds contre les nostres. Y a-il de l'apparence à ce qu'ils disent? où y a-t'il quelquVn si sot et si ignorant que de croire qu'il y ait des hommes qui en cheminant ayent les pieds plus haut que leurs testes ? que des choses qui chez nous gisent à terre, soient là renuersées et pendantes? que les bleds et les arbres croissent contre bas? que la gresle, la pluye et la neige tombent vers haut en terre ? et admi-

rons-nous les iardins suspendus, et les mettons-nous

au nombre des sept Merueilles, veu qu'icy les Philo-

sophes font les champs et les Mers, les Villes et les Montagnes pendantes en l'air? — Quoy! penseronsnous dit quelqu'vn dans Plutarque, que les hommes se tiennent attachez en ce lieu là comme artisons (i), ou y pendent par les ongles comme des chats? ou si nous supposons quVn homme fouyt la terre auec vne besche vn peu par de là le centre, est-il vray semblable, comme il le faudroit nécessairement selon cette opinion, que la terre qu'il détacheroit remontast d'elle mesme vers haut? ou bien si nous nous figurons deux hommes ayans le milieu du corps enuiron au centre, les pieds de IVn estans placez là où est la teste de l'autre, et ainsi deux autres hommes les trauersans en forme de croix; croirons-nous neantmoins, que tous ces hommes ainsi placez et situez se tinssent tous droit debout, comme il le faudroit cette opinion ? Plusieurs autres conséquences grossières s'en ensuiuroient, ce que nulle imagination ne peut pas conceuoir estre possible. Sur lesquelles considérations, Bede nie aussi qu'il y ait des Antipodes, disant : — Il ne faut pas authoriser plus long temps les fables qu'on nous débite des Antipodes (2). — Ainsi le Poëte Lucrèce parlant du mesme suiet, dit — Que quelque esprit extrauagant à feint et controuué ces choses pour les faire croire aux fols et aux ignorans (3) — . »

(i) C'est-à-dire, comme des insectes, comme des mites. (Voy. Littré,)

(2) c( Neque enim Antipodarum vUatenus est fabulis accommodandus assensus. »

(3) (( Sed vanus stolidis haec omuia finxerit error. »