TRAITE AVEC CHAULES D'AUTRICHE
nom, très chrestien roy de France, a esté eslevé à la dignité royalle i\ mars i5i5 n. s. et succédé à-la couronne, et que pour la correspondance et vicissitude desdictes successions contemporanées, avec la conformité de l'aage en jeunesse desdicts deux princes, entre lesquelz n'avoit encores esté entamé aucune picque ou inimitié, et ne s'estoient en rien offencez l'un l'autre, ains avoient la carie blanche d'un costé et d'autre, il esperoit par volonté divine se povoir trouver la conformité, union et vicissitude des couraiges, intencions et voulontez intrinsèques desdicts seigneurs, pour les joindre et allier perpétuellement ensemble, au bien et augmentacion de toute la chose publicque chrestienne, et exaltacion de la saincte foy catholicque, icellui seigneur prince ayt pour ce envoyé, devers ledict seigneur lioy, hault et puissant seigneur Henry conte de Nassau et de Vienne, seigneur de Breda, etc., et messire Michel de Croy, seigneur de Sainct Py, ses chambellans, conseillers et chevaliers de son ordre de la Toison d'or, et autres dénommez, ses ambassadeurs, tant pour rendre son devoir de ce qu'il tient en fief de la couronne de France, que pour luy supplier d'avoir ledict seigneur prince, ses pays et subgectz, en bonne amytié et intelligence, et pour fondement, seureté et perpétuel lyen d'icelle amytié, luy donner et accorder à mariage madame Renée, sa belle seur, que ledict seigneur prince tient estre le plus grant et plus honorable partv de mariage qu'il pourroit pour le temps présent choisir en toute chrestienneté ; lesquelles offres et requestes ledict seigneur Roy ait eu très agréables, mesmes considérant ledict seigneur prince estre extrait de fleurs de liz et de la couronne de France, et descendu d'empereur et procréé de roy et royne, qui parles successions qui luy sont escheues et autres qui luy sont appartenantes de luy escheoir et succéder cy après, a et est apparant d'avoir tant de beaulx, nobles et grans pays, royaumes et seigneuries, que ledict seigneur Roy de présent ne pourroit plus haultement ny plus grandement allier par mariage madicte dame Renée que avec ledict seigneur prince des Espaignes, et qu'il n'y a nul Iven plus ferme ne plus estable pour la perpetuacion et entière conservacion d'amytié et unvon entre lesdicts seigneurs Roy et prince , que par alliance et conjonction de mariage, qu'est selon Dieu et selon nature; et aussy considérant que les pavs dudict seigneur prince sont voisins et contigues aux pays et royaume dudict Roy très chrestien, et que selon les admoneslemens que le prince des philosophes, Aristote, bailloit a
si mars îaian.s.
Promesse de mariage
entre
Charles d'Espagne
et Renée de France.
Alexandre le Grant pour la conservaeion et entretenement des royaumes, seigneuries et chose publicque, les amytiez, alliances et compagnies se doivent faire, constituer et establir entre ceuk qui sont très puissans, et soy ayder les ungs aux autres, et qui sont voisins, et se pevent voir et converser ensemble, et soudainement se secourir, comme ont lesdicts seigneurs Roy très ebrestien et prince des Espaignes; en faisant laquelle amytié et alliance, soit vraisemblable que de tant plus elle doye estre perdurable et porter bon fruict, puisque la racine est entière et non infecté d'aucune picqueou inimitié. Pour ce est il que, pour l'introduction, fondement perpétuelle et indissolue seureté d'icelle amytié, alliance, union et intelligence entre les depputez dudict seigneur Roy et les embassadeurs dudict seigneur prince, soubz les bons plaisirs desdicts seigneurs Roy et prince, ont estez advisez les articles desdicts mariage et amytié, en la forme et manière qui s'ensuicl :
1. Et premièrement, que le Roy et la royne, sa compaigne, auctorisée comme il appartient, d'un commun accord et consentement, en parolle de roy et royne, et par solempnelle stipulacion, promettront et jureront sur la vraye Croix et sur les sainctes Evangilles de Dieu, par eulx et chacun d'eulx corporellement touchées, et en la présence du sainct sacrement de l'autel et vray corps de nostre Sauveur et Rédempteur Jésus Christ, soubz les peines et obligacions cy dessoubz contenues et escriptes, faire et procurer par eifect que madame Renée, seur de ladicte royne et belle seur dudict Roy très ebrestien, après qu'elle aura acomply l'aage de sept ans, et durant la huicliesme année de sondict aage, sera fiancée par parolles de futur à monseigneur le prince d'Espaigne, et après icelle dame Renée prendra son légitime inary et espoux ledict seigneur prince , avec les solempnitez sur ce requises, si et en tant (pie nostre mère saincte Eglise s'i accorde et consente. Semblablement, les embassadeurs de mondict seigneur le prince, en vertu du povoir qu'ilz ont et eulx faisans fors pour ledict seigneur prince, leur maistre, auquel ilz feront ratimer et agréer en semblable forme tout le contenu en ce traicté , prometteront et jureront , en la mesme manière que dessus, que, ayant icelle dame Renée acomply l'aage de sept ans et avant le laps de la huictiesme année de sondict aage, icelluy seigneur prince, par procureur ayant de luy povoir et mandement especial, fiancera madicte dame Renée par parolles
