CHAPITRE SIXIÈME

Sire, je me suis tousjours persuadé qu’il ny a plus souverain remède pour appetter les honneurs que de se bien congnoistre; chose en quoy l’oracle d’Apollon mectoit la grande sagesse. Que si nous nous congnoiïssons bien nous ne nous penserons autres que nous sommes et ne vouldrons estre veus plus grans que nous sommes, ainsi que dict Sénècque en son livre De la manière de vivre (1). Mais en cecy il y a ung mal que personne ne veult descendre en soi-mesme et veoir ce qu’il mérite ou ce qu'il ne mérite pas; et regardons tousjours dans la besace de devant, en laquelle nous mettons les faultes des autres mais ne regardons derrière, où nous serrons nos faultes, ainsi que disoit le Philosophe Diogènes, lequel appelloit les hommes porteurs de besace mettant dans celle de devant les faultes d’autruy et derrière leurs faultes (2).

Les poëtes faignent que Phaëton, par ambition, voulut mener le chariot de son père Phæbus ; mais ce pauvre jeusne homme n’ayant jamais mené de tel chariot, mit le ciel et la terre en combustion. De quoy Jupiter courroucé le foudroya et jetta dedans ung fleuve. Que si ce jeusne sot se fust bien cogneu soy mesmes et ne se feust tant promis de soy, poulcé de gloire et d’ambition, il ne feust tombé en ung tel inconvénient.

Le second remède contre l’ambition est se contenter de sa fortune, qui est le plus grand heur qui sçauroit advenir à l’homme.

Si tu es content de la dignité que tu as, poulcé d’ambition tu n’aspireras à plus haultz degrez, comme ces Géantz, enfans de la Terre, qui ne se contentèrent d’estre çà-bas (3) les premiers, mais outre ce, voulurent déposséder les Dieux de leur siège ; qui fut cause de leur ruine.

Si tant de monarques, empereurs et rois se feussent contentez de leur fortune, ils weussent demandé d’estre au rang des Dieux et n’eussent commandé qu'on leur feist sacrifice, ainsi qu’un Nabuchodonosor, qui commenda d’oster tous les Dieux afin que luy seul feust adoré; ainsi qu'un Alexandre, qui se voulust faire Dieu et en prist les acoustremens ; ainsi que les Roys des Perses vouloient que ceux qui les salueroient les adorassent ; ainsi qu’un Caligula, un Domitian, empereurs, et plu-

(1) Le traité de la Brièveté de la vie.

(2) On connaît ces beaux vers de La Fontaine :

On se voit d’un autre œil qu’on ne voit son prochain : Le fabricateur souverain Nous créa besaciers tous de même manière; Il fit, pour nos défauts, la poche de derrière Et celle de devant pour les défauts d’autrui. (Fables choisies de La Fontaine, Paris, 1745, L. I, Fable VII, p. 10, La Besace), (3) Ici-bas.

| sieurs autres. Que s’i/s eussent esté contens de leur condition, ilz neussent | esté si ambitieux que de désirer l'honneur qui appartient à Dieu.

Le tiers (1) et dernier moyen de résister à l’Ambition est de songer ce que l’on doibt devenir. Si l’on songe que ce corps, qu’on désire d’exalter si hault, sera ung jour viande aux vers ; si l’on songe que ceste gloire qu’on appette estcomme la fleur du foing, laquelle tombe aussi tost que le foing est sec ; si l’on songe qu’il faudra, quelque jour, rendre l compte de sa charge, on ne sera si hardi de vouloir tant entreprendre.

| (1) Le troisième.