CHAPITRE SIXIÈME

J'adjousteroi infinis autres exemples, mais ce seroit vouloir rendre le soleil plus clair avec une chandelle. Je diray seulement qu'après que telles gens sont parvenus il se faict un estrange changement, et j’adjousteray avec Inocentius (r) parlant de l’utilité de la condition humaine, que lorsque les ambitieux, par les moyens que j'ay déclarez (2), se voient au bout de leurs desseings, ils s’enflent d'orgueil, ils se desbordent en jactances et venteries ; ilz ne se soulcient pas de prouffiter mais se glorifient d’estre les premiers. Ils présument, et se font croireen eux-mesmés qu’ils sont les meilleurs puisque ilz se voient les supérieurs ; ils sont fascheux à tous, précipités, arrogans, impbortuns et envieulx.

Ayantz (sic) descouvert les ruses des ambitieux, je discourai (3), s’il vous plaist, Sire, briefvement des maulx qu’apporte l'ambition.

Il est certain, Sire, que où l’ambition règne il est impossible de garder une saincte société; qui aesté cause que les premiers hommes, qui vivoient dans leurs petites cavernes ou casanes en paix et tranquilité, s’entr’aidans l’un l’autre, n’ayantz rien de propre ni meum, qui signiffie sien, ni fuum, qui signifhe fier, ont rompu ceste société, de laquelle Dieu et nature les avoit si estroictement liez, sinon parceque entre eux se sont trouvez des ambitieux qui ne se sont voulus contenter d’estre en pareil degré que les autres et ont cherché de se faire les premiers et s’asubjectir leurs compaignons. Lors se sont engendrez débatz et querelles entre eux et, de compaignons qu’ilz estoient, se sont faict ennemis.

Qui a ruiné toutes les Monarchies, Empires, Royaumes, Républicques ct Citez, sinon l’ambition ? Cela est si trivial et commun qu’il n’est besoing d'exemples pour le confirmer.

Je passeray les grands maulx que ceste ambition apporte et ne m’arresteray à monstrer comment elle contrainct quelquefois les hommes à faire choses que mesmes les bestes brutes abhorrent et force tellement leur courage qu’ilz oublient la révérence qu’ilz doivent à leurs propres parents et l'amitié fraternelle.

L'ambition des jeusnes (sic) hommes a aussi causé et causera la perte des Républicques. Quant on demanda à ung vieillard des Lacédémoniens pour-

(1) Lotario Conti, pape sous le nom d’Innocent III, de 1198 à 1216, a laissé des Discours, des Homélies et des Lettres fort estimées. Il est l’auteur de l’'Hymne Veni sancte Spiritus et on lui a attribué le Stabat Mater. On se souvient qu’à l'occasion du divorce de Philippe-Auguste avec Ingelburge, ce Pontife frappa la France d’interdit. Innocent IIL prit une part active aux luttes politiques qui divisaient alors l'Allemagne et l’Angleterre, tint le 4° concile de Latran et précha la croisade contre les Albigeois.

(2) Signalés.

(3) Discourerai,

quoy ilz avoient si tost perdu leur Républicque, qui estoit si grande : « Cela est venu, dit-il, des jeunes orateurs fols et adolescens qui ont gouverné. »

La témérité est propre à l’aage fleurissante (1); la prudence à la vieillesse, ainsy que récite Cicéron au Dialogue de la Vieillesse (2).

C'est une ambition et présumption trop grande à celluy qui n’a jamais senti la marine (3), qui n’a veu la tempeste ni l’orage de la mer et ne sçait de quel costé il fault pendre le voille (4), de vouloir entreprendre de mener le timon et gouverner le navire. Mais certes, Sire, c’est une présumption plus grande de vouloir, quasi avant qu’estre sorti du berceau, avant que le menton aïct poulcé quelque poil de barbe pour tesmoigner quelque peu de sagesse, se mesler du gouvernement d’une Républicque et pourchasser en icelle les principaulx estats. Anciennement les hommes sages et bien expérimentez, esloignez d'ambition, se retiroient du gouvernement des Républicques ; et estoit besoing les aller chercher aux champs où ils labouroient leur terre. L'on alloït chercher la vertu en quelque logis qu'elle hébergeast (s). Ainsi feust chercher ung Cincinnatus et esleu Dictateur, lequel feust trouvé labourant les quatre arpens de terre ou environ qu’il avoit pour tout bien ; qui, renvoyant sa charrue en sa maison, vint à Rome, assembla soudain ung armée et délivra l’armée des Romains et Minutius leur chef, assiégé par les ennemis ; et ayant remis les Romains sus (6), retourna prendre la charrue qu’il avoit laissée.

Ainsi feust appellé ung Marcus Regulus, lequel, depuis, demanda congé au Sénat pour retourner garder sa maison champestre que ses laboureurs luy gastoient. De ce temps-là, les vieux refusoient les honneurs. Depuis les jeusnes ambitieux les ont demandez. Lors la vertu estoit recherchée pour estre honnorée. Depuis la témérité a poursuivy les honneurs.

Mais, afin que, par trop grande longueur, je ne vous sois ennuyeulx, Sire, je parleray des remèdes contre l'ambition et finiray mon discours.

(1) La fleur de la jeunesse. Divers substantifs devenus masculins étaient alors féminins, comme dge, argent, ouvrage, etc. Le peuple a conservé cette vieille habitude de langage.

(2) Le traité de Senectute.

(3) Exercé le métier de marin.

(4) Le mot voile, dans le sens spécial où il est employé ici, était féminin même au xvie siècle. Dans son Dictionnaire contemporain, Maurice de la Porte lui donne 30 épithètes de ce genre. Il ne faut donc voir dans cette anomalie qu’une erreur de copiste sans aucune portée.

(5) Qu'elle habitât. Le mot héberger, qui vient de l'italien albergo, hôtellerie, albergare, loger dans une hôtellerie, est devenu trivial et ne se prend plus qu’en mauvaise part.

(6) Rendu aux Romains la victoire et la paix.