U9 LA

Il n’est bon, aussi, Sire, que si ung Roy craint qu’il monstre sa Crainte; mais doibt imiter Eneas qui monstroit tousjours en son visage une assurance et bonne espérance et tenoit sa douleur cachée en son cueur.

Sire, si on vous voyoit craintif, chacun penseroit estre perdu. Chacun perdroit courageet vos ennemys en seroient d’aultant plus furieux et hardis, joinct que la Crainte monstre ung lasche courage et que « Fortune, comme dict le poëte, aide à ceux qui s'adventurent (x), » et repousse les couards ; non qu’il faille estre téméraire ; mais il ne fault craindre de façon qu’on perde cœur.

Or, Sire, pour n’estre craintif, il se fault proposer de longue main ce qui peut advenir et mectre son espérance en sa vertu et ensoimesme, car celluy qui mect tout en vertu ne craint rien, comme dict Cicéron et s’appreste de porter ce qui pourroit advenir de mal, comme disoit Lucain (qui) pense n’il n’y a mal qui n’aict son remède; s’il se peult éviter qu’on y donnera bon ordre : s’il ne peult se résoudre, de lendurer, d'autant qu’en vain nous craignons ce qui ne se peult éviter. Et ne fault estre d'opinion de ceux qui pensent qu’il est bon se tenir en ung lieu, où d’autres qui conseillent de changer de lieu. Cellui qui est craintif est tout ainsy que celluy qui est malade sur mer : pour passer le mal de cœur qu’il endure, il se met tantost d’un costé tantost d’un autre et tout cela en vain.

(1) Audaces Fortuna juvat.