CHAPITRE SIXIÈME

LU

c’est à dire au regard de Dieu et de la foy que nous avons en luy, par laquelle il s’unit a nous et se rend nostre, et de la charité, par laquelle nous nous rendons siens et nous unissons à luy. Mais la foy est première (1) que la charité, tant pource que l’entendement est premier que la volonté que pource que Dieu s’est donné à nous premier (2) que nous nous soyons donnez à luy et ces deux parties seules, l’entendement et la volonté, demeurent immortelles après la séparation du corps : l’entendement pour jouir de la connoissance de Dieu et de toutes ses œuvres en luy-mesme comme dans un miroir, et la volonté pour s’en esjouir. Et en cela consiste la souveraine félicité de Dieu, de laquelle Aristote, parlant au douziesme (livre) de sa Métaphysique, dit que « si Dieu, durant tout l’espace infini de Péternité, reçoit autant de contentement de sa connoissance comme nous en recevons pour un peu de temps de la nostre, cela est esmerveillable, et encore davantage s’il en reçoit encore davantage. » Et faut bien que sa connoissance soit infiniment excellente, puisqu'elle est autant par dessus son action, (laquelle est infiniment admirable,) comme son Fils, de son essence, est par dessus le monde. Car, par son action, il a fait le monde, qui est une essence créee, matérielle, corruptible, finie et compréhensible ; et, par sa connoissance, il a engendré son Fils dont l’essence est infinie, incréee, immatérielle et incompréhensible : de là paroist-il bien que nostre âme ne peut tant approcher de la Divinité par chose du monde que par la connoissance et qu’elle est tout ainsi comme l’eau à laquelle, si on donne liberté et qu’on la laisse aller à son naturel, elle descendra, tendra tousjours en bas et s’esloignera tousjours du lieu de sa source; mais si elle est contrainte et resserrée dans un tuyau et qu’il luy faille suivre reglément le chemin que les canaux luy donneront, elle pourra retourner d’où elle estoit partie et remonter aussi haut que le lieu de sa source.

Et tout de mesme est-il de nostre âme si nous la laissons en sa liberté et ne luy voulons pas donner la peine de rechercher aucune connoissance, elle tendra tousjours en bas et s’esloignera du ciel, qui est le lieu de sa source ; mais si nous la tenons contrainte et resserrée dans les préceptes de la philosophie, elle pourra retourner au ciel et remonter aussi haut que le lieu d’où elle est venue.

Or la première philosophie et première connoissance qu’il luy faille apprendre, c’est de se connoistre soy-mesme et ce qui est en elle.

(1) Préférable, plus excellente, (2) Avant.

ge Re -