LS] LU

davantaige, par telle imaginacion et impression, corrompt si bien son sang qu’il luy sort par les yeux des vapeurs et subtilz esperitz venimeux, lesquels esperitz, jetez par les rayons des yeux et entrez dans les yeux de ceulx qui les regardent, sont plus dangereux et vénéneux que les basilicz, serpens et crapaux, et deviennent bien souvent, lancez par la mélancholye, au lieu d’envyeux, fascinateurs et enchanteurs.

On dit que l’envye voulut ung jour entrer au ciel, mais elle en fut repoussée par la Déesse excellente qui la feist tomber de hault en bas et descendre vers les hommes, d’autant qu’il ny a point d’envye au ciel : la Lune n’en porte point au Soleil, ny le Soleil à la Lune, ny Mars à Vénus, ny Saturne à Jupiter, car ilz sont tous en leur genre acomplis et parfaictz.

Le remède de se guérir de telle peste est de penser jour et nuyt en nous mesmes, devant que le mal soyt violent: « Que fay-je ? Pourquoi me consumé-je moy-mesme pour le bien d’autruy, auquel je ne peux parvenir ? » Et, voyant les hommes plus misérables que nous, nous resjouir de ce que nous ne sommes point en telle extrémite.

Et fault se bender contre sa passion et repousser la rancune par sa vertu, et au lieu d’envyeux, devenir inmitateurs, pour tascher à ressembler à celluy dont les vertus et les honneurs nous rendent jalloux et envyeux.

Voilà que j’avois à dire de ce cruel monstre, dont Dieu nous veuille garder, par sa divine grâce, et l’envoyer aux Taïtares, Scittes et Turcs, pour très cruële punition et tourment de toute leur mé-

chansseté.

(Signé) : RoNsarD