AULTRES LETTRES ESCRIPTES A CETTE MESME FIN AULX EVESQUES

(Archives des Affaires étrangères, ibid., fol. 57.)

De par le Roy.

Nostre amé et féal, Le zelle et affection que nous avons premièrement à Thonneur et gloire de Dieu , puis au bien et soulagement de nostre pauvre peuple, lequel nous désirons consoler de ses misères, afflictions et calamitez passées, faict que nous avons envoyé certains bons dignes et notables personnages par les provinces

de cestuy nostre Royaume et mesmes en celle de

pour pourveoir et donner ordre à toutes choses qui méritent reiglement et reformation, et mesmes restablir le service divin la ou il auroit esté discontinué par le malheur des troubles passez, réintégrer les Ecclesiasticques qui sont violentement dépossédez de leurs bénéfices en la paisible jouissance d'iceux, faire résider ceux qui doivent résidence et ainsy des autres affaires consernant le bien du clergé de nostredicte Province, en quoy ayant nosdicts commissaires besoing de vostre assistance et de celle d'aucuns desdits Ecclesiasticques, nous avons bien voulu vous

faire la présente pour vous prier de vous trouver et assembler avec nosdicts Commissaires, lorsqu'ils seront sur les lieux et qu'ils vous en advertiront, ou bien d'y envoler l'un de vos Vicaires généraulx et aucuns des principaulx du Clergé de vostre diocèse, auxquels nosdicts Commissaires proposeront nostre intention en cet endroict à l'effect et exécution de laquelle vous et vos déléguez tiendrez la main de tout vostre pouvoir comme il convient à vostre dignité et office, et il est de leur debvoir, et me ferez service très agréable. Donné, etc.

(Des lettres furent envoyées à cette même fin aux Cours de Parlements^ aux délégués des gens d'Eglise, noblesse et tiers-état des bailliages, aux baillis, enfin aux bonnes villes du Royaume. Nous donnerons seulement le texte des lettres adressées à celles-ci.)