A CLAUDE DE VERGY, GOUVERNEUR DU COMTÉ DE BOURGOGNE

(Mémoires de GranveHe, V, 1 1.)

Arras, 18 septembre 1 554.

Monsieur, ces deux motz seront pour vous advertir que, comme je l'escriptz présentement à monsr de Luxeul, mon oncle, l'on me donne adverlissement que le marquis Albert liève gens de cheval et de pied ce qu'il peult, semant bruyt que ce soit pour aler contre ses ennemys en la Franconye. Mais me souvenant de la délibération quii avoit, l'an 5 2, de marcher contre le conté de Bourgongne, véant le pays despourveu, pour y piller et rober et prandre moien, par le gain qu'il y feroit, d'entretenir quelques jours ses gens, et doiz là se couler par le pays de Ferrette pour faire le mesmes s'il povoit, je ne suis hors de fantazie qu'il pourroit essaier le mesmes, et je ne vois comme doiz icy, pour maintenant, nous l'en pourrons destourner, pour n'estre les choses es termes qu'elles estoient ledit an pour faire le mesmes. Et me semble que le plus séhur seroit de, réassemblant les seigneurs du pays qu'il vous semblera , adviser sur les moiens pour appercevoir gens , et , si la nécessité survenoit , pour la deffence [user des moiens que vous verriez convenir; tenant espies

pour descouvrir le lieu, temps et qualité des assemblées dudit marquis, qui ne fera grant effect s'il treuve la résistance, et ne la treuvant, se scet servir de l'occasion pour gaster tout.

Je vous supplie avoir regard et estre vigilant, et, s'il vous semble, user de correspondance avec ceulx deFerrette, et encoires procurer, si bon vous semble, que les Suisses envoient gens que vous puissiez faire passer vers ledit marquis , s'il prenoit son chemin vers le pays, combien que le principal seroit d'estre bien pourveu de gens, pour dedans le pays (se servant de l'oportunité des passaiges) luy faire résistance. Il est fort prez de vous et en povez avoir plus souvent nouvelles.

Nostre camp besoigne en ung fort prez d'Esdin1, pour couvrir ce pays d'Artois, et est jà, en douze jours que l'on y besoigne, fort avancé. L'empereur est icy, rattainct de la goutte, s'estant, jusques Anvers, tout l'esté fort bien pourté. Et me recommandant, etc. D'Arras , le xvine de septembre i 55/i.

CLAUDE DE VERGY