CHI

CLAUDE DE VERGY

A FRANÇOIS BONVALOT

(Mémoires de Granvelle, V, 10. )

Champlitte, i6 septembre 1 554 .

Monsieur, suivant ce que dernièrement vous escripviz, j'ay envoie ou quartier de Lorraine et aillieurs, où il m'a semblé l'on pourroit entendre quelque chose du fait du marquis1 de Brandeburg, et n'en ay encoires heu nouvelles, sinon conformes à ce que m'en avez escript par nions1 de Courneui2, qui me apourta devant-hier voz lettres. J'espère bien brief en avoir quelque certaineté par ceulx qui sont par pays, dont serez advertí, s'il y a chose le méritant. Et cependant je vous prie m'escripre vostre bon advis, s'il vous semblera qu'il soit besoing faire advertissement à messrs les coronelz, aians cy-devant heu charge des gens de pied de ce pays, en cas de nécessité : que sont monsr de Ray et monsr de Courlaou , duquel monsr de la Villette est lieutenant, comme savez, afin de faire à tenir prestz leurs gens , le tout avec le moings de bruyt que possible sera. Et quant aux gens de cheval, ilz se pourront tousjours advertir ceulx qui sont audict pays, s'il est de besoing, pour eulx setnblablement tenir prestz de leur coustel, mesmes par lettres missives ou aultrement, selon les nouvelles que pourrons avoir, selon lesquelles nous pourrons conduire et user d'heure à autre. De nouveaul fait, nouveau! conseil.

Encoires n'ay-je heu nouvelles du coustel des Lighues, suivant ce que savez fut advisé avec monsr de Chastelroillaut, que a renvoie

1 Albert. — 2 L'abbé de Corneux, ordre de Prémontre, dans le comté de Bourgogne.

Franchet pour demander response de son proposé à la précédente diette ; et tiens que Ton ne peult longuement tarder sans en avoir, puisque ceste-cy se commencea doiz le me de ce mois. Le surplus sera me recommander, etc. Dez Champlite , le xvie en septembre i 554.