AU ROI D'ANGLETERRE, EDOUARD VI

( Ambassades de Renard, Ili, 8.)

Bruxelles, 23 juin 1 553.

Très-hault, très-excellent et très-puissant prince , nostre très-chier et très-anié bon frère et cousin, tant et si affectueusement que povons, à vous nous recommandons. Ayans entendu vostre indisposition, que nous donne le sentement tel que vous povez juger de l'amour et affection que nous vous portons, nous envoions, pour vous visiter de nostre part, noz chiers et féaulx conseilliers, messires Jehan de Momerency, sieur de Courrières, Jacques de Marnix, sieur deTholouse, chevaliers, et Symon Regnard, maistre aux requestes ordinaires de nostre hostel, que eussions plus tôt fait, ne fût l'assheurance que nous donnoient voz ambassadeurs de vostre meilleur portement. Mais comme il y a dix jours que, à ce qu'entendons d'eulx . ilz n'ont nouvelles de vous, et que le bruict court que vostredite indisposition continue , nous n'avons voulsu différer plus longuement ceste visitation , avec très-grand désir que bientost nosdits ambassadeurs nous facent sçavoir de voz bonnes nouvelles; auxquelz avons aussy enchargé de vous dire aucune chose de nostre part, vous priant de leur donner bonne audience, et les vouloir croire en ce qu'ilz vous diront, et de demeurer certain que nous treuverez jusques au bout avecq la mesme affection que du passé, égalle à celle que pourrions porter à nostre propre filz. Et tant, très-hault, très-excellent et très-puissant prince, nostre très-chier et très-amé

l'i PAPIERS D'ÉTAT

bon frère et cousin , nous prions le Créateur vous avoir en sa très-

saincte et digne garde. De Bruxelles, le xxine de juing i 553 .

CHARLES

CLAUDE DE VERGY

A FRANÇOIS BON VALÛT

(Mémoires de Granvelle, IV, 2^7 v°. )

Champlitte, 7 juillet i553.

Mon nepveu, mons' d'Autrey, m'a escript doitz Louvain, le

xxiue du passé, mesmes que toute la compaignie de ce pays s'estoit bien pourtée, et s'en aloient au camp que l'on tenoit tirer droit à Esdin1. Je ne vous sauroye escripre nouvelles de ce coustel, sinon qu'il passe plusieurs gens de guerre par le duché, tant Italiens que autres, mesmes des gens de pied, prenans le chemin du coustel de Champaigne et Picardie , comme au semblable tous les arrière-bans; en

quoy vous pouvez penser ma terre de Fouvens n'a esté obliée

De Champlitte, ce vne de juillet i 553.

Le tout à vous faire service et bon amy.