A LA PRINCESSE DE PORTUGAL

(Ambassades de Renard, IV, 2^3.)

Sans date [commencement d'août 1 556].

Madame, puyz mes lectres dernières à vostre altèze, don Joan de Luna a esté receu au service du roy de France, aulquel il a communiqué tout ce qu'il a peu sçavoir des secretz de la court de l'empereur et du roy, et m'a l'on dit qui s'en va en Italie, où lesdicts Françoys envoyent gens de pied et de chevaulx pour assister le pape , comme ilz font courir le bruyt, suyvant la liglie et confédération qu'ilz ont entre eulx : estans les affaires ou coustel de Rome altérez , don Garcilasse de la Vegua prisonnier, le maistre des postes, le secrétaire du marquis de Saria, le cardinal Pacheco1, Capilupo, agent du cardinal de Mantua; dont ne peult deppendre sinon mutation et renouvellement de guerre.

Le légat de Pise , dit Motula , estant approché la court de leurs maj estez2, s'en est enfuy en France et n'a exécuté sa commission.

' Pierre Pacheco de Villena, cardinal gnant des représailles sur sa personne, à

en i545; il avait été vice-roi de Naples en cause des arrestations dont il vient d'être

i 553. parlé.

~ Il n'alla que jusqu'à Maestricht, crai-

J'ay advis que Villegaignon1, aiant prins un port au passaige des Indes, le fortifie et a mandé au roy de France que si luy envoyé gens de guerre jusques à troys ou quatre mil , il luy conquestera partie des Indes, et empeschera la navigation celle part; et, comme les Françoys arment bateaulx en Bretaigne et Normandie , encoires que se pouroit estre à aultre eifect, sy ne m'a semblé devoir faillir de donner cestuy advis, afin que vostre altèze prévienne et advertisse ceulx qui convient : car facilement ilz pourroient donner moleste aux passaigiers et navigeans ausdictes Indes.

Le roy de Bohesme est parti de Bruxelles cejourd'huy ; l'empereur partira le vm de ce moys pour aller à Gand , et dois là s'embarquera pour aller en Espaigne.

L'AMBASSADEUR RENARD