DEUXIÈME INSTRUCTION

( Mémoires de Granvelle, tome II, f“ 5g-6o.)

Il faut une lectre que servira d’instruction esdicts trois commis dessus dicts, pour en ce. que dessus entendre le plus tôt que convenablement sera possible.

Et que en l’affaire ilz procèdent comme l’exigence d’icelluy requiert et que il convient à la dignité impériale et conservation des haulteurs, préhéminences et droitz d’icelle, aussi de celles de monsieur le duc de Savoye, comme deppendans et provenans dudiet saint empire.

Ayant bon regard, selon que l’empereur confie, de leurs prudences et discrétions, d’entendre audict affaire par telle et si bonne dextérité , que ce soit le moïen de paciffication desdicts différendz . éviter occasion de plus grand rigueur entre les parties , ne délaissans ouvertures ne expédiens quelconques que leur semblera pouvoir duyre à l’effect susdict, soit comme d’eulx-mêmes, ou par l’advertissement des parties et signamment dudiet duc de Savoye.

Et sy lesdicts expédiens et ouvertures sont telles qu’il soit besoing que l’empereur les doige auctorizer, et il leur semble que ainsi le doige faire sa majesté, s’en feront fortz d’icelle, ou se la chose est de telle importance qui leur semble ladicte majesté en debvoir estre consultée , qu’ils le facent.

Piegardans aussi Icsdicts commis songneusement tout leur possible d’obvier, par toutes persuasions et remonstrances convenables, et si besoing fault et si il leur semble expédient, entremellées de modeste sévérité, pour retenir et empescher que lesdicts de Genesve ne deffaillent de nostre sainete foy, ny pour cette occasion ou raison desdietz differendz, entre ledict sieur duc et eulx, et preignent appuy de ceulx des lighes ; mais se contiennent et en tant que faire se pourra , se remettent , réduisent et retournent pleinement en obéissance et jugement de sa majesté : bien entendu toutefois que lesdictcs remonstrances se facent de sorte que, par despération de la bonne volunté de sadicte majesté, lesdicts de Genesve ne facent pis.