À JEAN LÜDIN DE BESANÇON

( Mémoires de Granvelle , 1 , 45 . )

Tolède, 28 août. i5o2.

L’archiduc d’Austriche, duc de Bourgongne, prince de Castille, etc. Très-chier et bon amy, nous escripvons présentement aux doyen et chapitre de l’église de Besançon sur la promotion du jeune prothonotaire de Vergy, nostre cousin, à la prélature de ladite église vacant par le trespas naguière avenu de fut messire François de Buselaidem1. Et sachant qu’en ladite église avez de bons amis qui feront beaucoup pour vous, avons chargé nostre amé et féal messire Charles de la Porte, président de nostre parlement, vous en touscher de nostre part. Nous vous requérons luy donner foy, et à désir de nostre intention vous vouloir employer, vous tenant asseuré que le reconnoistrons où nous requerrez de choses à nostre pouvoir. Très-chier et bon amy, Nostre Seigneur vous ayt en sa garde. Escritte à Tolette, le vingt-huitième d’aoust quinze cent et deux.