A SON AMBASSADEUR EN FRANCE ET A M. DE COURBARON

(Mémoires de Granvelle, II, 3g.)

Bruxelles, 9 juillet i53i.

Nous avons receu voz lectres du premier de ce mois et entendu ce que par icelles nous escripvez bien amplement avez faict, poursuy et sollicité en l’affaire du roy de Portugal , nostre très - chier et très-amé bon frère, et les responces sur ce faictes, tant à eulx1 que à vous , par le roy très-chrestien , nostre bon frère , et ceulx de son conseil , et vous sçavons très-bon grey du debvoir en ce par vous faict, auquel vous requérons et ordonnons très-expressément continuer, faire, dire et solliciter tout ce que verrez convenir au bien et bonne expédition dudict affaire , lequel avons en recommandation et affection non moings que nostre propre. Et en avons bien expressément parlé à l’ambassadeur Morette pour en escripre, et à son retour de par delà en fera instance devers ledict Srroy, et nous a promis en faire tout bon office , dont vous avons bien voulu adviser, afin que continuiez à l’adresse dudict affaire par tous moiens que verrez pouvoir convenir, et vous ayderez tousjours de la faveur de madame nostre meilleur seur, la royne très-chrestienne; et derechief escripvons à nostre cousin le grand-maistre de France, auquel pourrez dire que tout le plésir qu’il fera en ce audict Sr roy de Portugal ,

1 Ambassadeurs de Portugal.

PAPIERS D’ÉTAT nostre bon frère, nous sera austant agréable et de mesme obligation que faict à nous-mesmes.

Nous vous ferons ample responce à vos lectres des pénultième de juing et deux du premier de ce mois, et n’avons voulu différer plus longuement l’envoy de ceste pour vous advertir de ce que dessus.

A tant, etc Escript en nostre ville de Bruxelles, le neufvième

de juillet 1 53 1 .

RÉPONSE