A SON GARDE-JOYAUX JEAN DE BOULLONGNE, DIT LACHENET

( Mémoires de Granvelle , 1 , 4 - 5. )

Florenges, 4 octobre [i443].

Boullongne , j’ay receu vos lettres et aussy celles de Guy Guilbault et Jehan Gros, par lesquelles j’ay sceu ce que ils ont faict pour moy, dont je suys bien content, combien que je euisse bien à faire de plus, se avoir le pouvoye, et m’a esté bien besoing ce que j’avoye, car aultrement mon faict se fust mal porté ; et pour ce apoinctez avec lesdicts Guy et Jehan, tellement qu’ils soyent contens; car je seroye très-mal content que nul eust domaige sur ma seureté, et pour ce faictes tant qu’il n’ait en leur faict nulle fauste qu’ils ne soyent contens aveuc tous aultres à qui vous savez où je suis tenu. Quant au chancelier U ainsi que aultrefois ly ay oy dire , il ayme mieulx son apoinctement en Bourgoingne que par delà, et pour ce que de présent il n’est point devers moy, je n’en puis pour présent savoir aulire chose; et quant à [vous faire] scavoir le lieu où vous m’envoyerez ce que m’avez faict scavoir, je ne vous scauroye mander le lieu , fors que là où je seray, et que ce soit le plus bref et le plus largement que faire le pourez et aussi secrètement, et faictes qu’en tout, ce n’ait point de faulte, comment qu’il soit. En oultre , vous scavez que je doibs envoyer tous les ans mil ducats en Jhérusalem, dont à présent je suys en

1 Nicolas Rolin ou Raulin , chancelier de Bourgogne dès i422 jusqu’à sa mort, arrivée en i46o. (V. Biographie univ. xxxvm, bgò et suiv.)

reste de trois ans ceste année finye ; pour ce faictes que laditte reste soit preste, qui est de trois mil ducats, pour l’envoyer le plus tost que faire se poura, ou au moins le mettre en tel lieu qu’il n’y ait point de faulte de l’envoyer par les premiers seurs pèlerins qui iront par delà, car il ne faict pas bon devoir trop longuement à Dieu. Et sur touttes choses pensez de cecy qu’il n’y ait faulte. Escript de ma main. A Florhenges, le 1111e jour d’octobre [i443].

PHLE.

A Bouliongne.