DU TRAITÉ DE PAIX DE MADRID

Anvers, 11 février i5î5. V. S.

L’on vous faict sçavoir qu’à l’honneur et louange de Dieu , nostre créateur, et pour le bien , seurté et repos de la chrestienté , paix perpétuelle , concorde , union et vraye et indissoluble amitié , intelligence et ligue offensive et deffensive sont traictées et jurées entre très-haultz , très-excellens et très-puissans princes , Charles , par la divine clémence, empereur des Piomains, cinquiesme de ce nom, tousjours auguste, roy catholique des Espaignes, etc. archiduc d’ Australie , duc de Bourgongne, de Brabant, etc. comte de Flandres, d’Arthois, etc. [nostre] souverain seigneur naturel d’une part, et Françoys, aussy par la mesme grâce , roy très-chrestien de France , premier de ce nom, d’ aulire part; pour eulx, leurs hoirs et successeurs, et tous et quelconques royaumes , pays , terres et seigneuries , vassaulx , serviteurs et subjectz , en sorte que lesdicts seigneurs et princes , et d’icy en avant, seront amys d’amys et ennemys d’ennemys, et qu’au moyen d’icelle paix , union et accord , leurs vassaulx et subjectz pourront doresnavant aller, venir, fréquenter et converser ès royaumes , pays et seigneuries l’un de l’aultre , tant par mer comme par terre , marchandement et aultrement, sceurement et saulvement, comme auparavant la guerre d’entre iceulx princes ils faisoyent ou faire pouvoyent, en payant les drois des tonlieux , payages 1, et aultres débites d’ancienneté accoustumez en temps de paix tant seulement ; et que par icelle paix, tous les vassaulx et subjectz desdictz princes d’une part et d’aultre retourneront à leurs biens en quelque party

1 Péages.

qu’ils soyent, et faict-on commandeniens de par l’empereur à tous ceulx de sa subjection et obéissance , que doresnavant ils ayent à garder et observer ladicte paix inviolablement , et sans aulcune contravention, à peyne d’estre punis comme infracteurs de paix ettraictez, sans déport ou grâce. Ainsy conclud par madame la régente , suivant les lettres de l’empereur, données en la cité de Tlioledo, le xxnejour de janvier. En Anvers , en la présence des chefz et plusieurs chevaliers de l’ordre et aultres du conseil d’icelluy seigneur, le xie jour de febvrier, l’an xvc xxv.

Soubz-signé moi présent,

DU BLIOUL.