DE BOURGOGNE AU SIEUR DE SAINT-BONNET

(Apologie de Charles V, 288.)

(Sans date.) Fontarabie juillet 1528.

Monsieur, j’ay receu voz lectres du xvne de ce moys, et pour vous y faire responce, quant à ce que dictes que de cest affère vous tai-

sez et depportez pour plusieurs raisons, c’est bien à très-bonne cause comme de chose qui , à la vérité , touche tant au roy vostre maistre et son honneur, et auquel convient l’entendre et mectre la main à l’euvre. Et à ce que vous dictes que vostre maistre entend avoir satisfaict à sondici honneur et qu’il en aye protesté, il pourra congnoistre, par ce que je luy porte, qu’il fault qu’il use d’aultre chose que de parolles, escriptures ny protestacions , et semble qu’il n’est honneste ny convenable de ainsi me mener par délays que vous faictes. Car je vous déclaire encoires, comme j’ay desjà fait, que je porte l’asseurance du camp, et si j’ay aulire chose en charge, elle ne concerne que le combat seullement et avancement d’icelluy; et puisque ainsi est, ne me doit estre reffusé d’aller fère mon office : car c’est chose non jamais ouye qué celluy qui parle ne veuille que l’on luy responde, et ne se pourroit mieulx manifester à tout le monde que ledict roy de France ne veult deffendre son honneur par l’elfect du combat, puisque démonstrez bien qu’il voudroit prétendre avoir achevé cest affère en ayant baillé son cartel sans plus. Parquoy, et que sa majesté entend venir au point, je vous soumme et interpelle encoires ceste foys pour toutes , que m’envoyez sans plus de délay saulf-conduit du roy vostre maistre , pour librement et saulvement aller devers luy fère ma charge , comme fut fait par deçà à son roy d’armes Guyenne , et que desjà par tant de fois vous ay escript. Et à vostre reffuz ou délay, je proteste d’avoir fait ma diligence à l’acquist de la très-sacrée majesté de l’empereur mon maistre, comme le cas le requiert, et que vous entendez assez qu’il emporte. Actendant en ce vostre briefve responce, dont encoires, pour la fin de ceste, vous supplie, et au Créateur, vous donner bonne vye et longue.