POUR LE ROI D’ARMES BOURGOGNE

(Apologie de Charles V, 290.)

Fontainebleau, 1" août 1628.

Nous, Françoys, parla grâce de Dieu, etc. à noz lieutenans, gouverneurs, maréchaulx, admiraulx, vis-admiraulx , bailliz, séneschaulx, prévosts, capitaines, chiefs et conducteurs de gens de guerre tant à cheval que à pied, aussi maires, eschevins , gardes et gouverneurs de bonnes villes, citez, chasteaulx, forteresses, pontz , portz, passaiges, jurisdicions et destrois, et à tous noz aultres justiciers et officiers, ou à leurs lieutenans, et à chacun d’eux en droit-soy, si comme à luy appartiendra. Nous voulons et vous mandons que le porteur de cestes, qui est l’ung des hérault de l’esleu empereur, nommé Bourgoingne, auquel lui cinquiesme de personnes et autant de chevaulx, avons donné et donnons bonne seurté et loyal saulf-conduit en nous apportant la seureté du camp, vous faictes, souffrez et laissez venir devers nous, et s’en retourner devers sondici maistre , seurement, franchement et sauvement, sans luy faire ou donner aucung arrest, destourbier ou empeschement, tant de l’aller que du retour, en sa parsonne, biens, serviteurs, chevaulx, bagues1 ny aultres choses quelconques, en aucune manière que ce soit; lequel, si fait, mis ou donné luy estoit ou avoit esté , faictes-le incontinant lever, reparer et oster, le faisant mectre à plaine et entière délivrance et au premier estât deu ; le faisant au demeurant recuillir et bien traicter partout où il 1 Bagages.

PAPIERS D’ÉTAT passera , et luy administrer vivres , guides et aultres choses nécessaires, pourveu touteffois que , en faisant ledict vouaige , il ne fera ne pourchassera rien contre nous, noz royaulmes, pays, terres, seignorie et subgectz. Donné à Fontaine-Bleau, soubz le scel de nostre secret, le premier jour d’aoust, l’an mil cinq cent vingt-huit.

Par le roi :