LE ROI DE FRANCE

AU SIEUR DE SAINT-BONNET

( Apologie de Charles V, 289. )

Fontainebleau, le i3 août i528.

Monsieur de Sainct-Bonnet , j’ay veu ce que vous m’avez escript, ensemble les doubles que vous avez envoyé à mon cousin le grantmaistre, par lesquels ay entendu qu’il y a à Fontarabye ung hérault de l’esleu empereur, lequel dit qu’il vient devers moy pour m’apporter l’asseurance du camp et aultres choses concernans le combat et avancement d’icelluy. Et pour ce que j’entends que ledict hérault en ce cas puisse venir par devers moy exécuter sa commission, et s’en retourner devers sondici maistre, et lui rapporter responce seurement et sainement, je vous envoyé ung saulf-conduit pour luy, suyvant lequel vous le ferez conduire, bien traicter et deffrayer jusques au lieu où je seray, par quelque saige gentilhomme, et n’y faictes faulte ; et trouve bien estrange , veu qu’il vous a escript qu’il porte la seurté du camp, que vous ayez tant différé de le laisser venir, actendu le saulf-conduit que vous avoye par cy-devant en-

voyé. Vous disant à Dieu, monsieur de Saint-Bonnet, qui vous ait en sa garde. Escript à Fontaine-Bleau, le xme jour d’aost, l’an mil cinq cent vingt-huit.

FRANÇOYS

Et plus bas :