LXXXVIII

1425. Septembre. Paris.

Rémission accordée par Henri VI à Marguerite, veuve de Philippe de Paris, clerc des comptes du roi Charles VI. Philippe et sa femme avaient quitté Paris en 1418, à la suite de l'entrée des Bourguignons; mais si Ton en croit la supplique de Marguerite, leur départ aurait été occasionné par la mortalité sévissant alors sur la capitale et qui, peu apiès, les aurait également chassés de Saint-Maur-les*Fo8sés où ils vivaient en compagnie de Gérard de Montaigu, évêque de Paris, qu'ils suivirent ensuite au château de Malesherbes, puis à Bourges, où Philippe mourut.

(JJ. 173, n* 217.)

Henry, par la grâce de Dieu roy de France et d'Angleterre, savoir faisons à tous presens et avenir nous avoir receue Pumble supplicacion des parens et amis charnelz de Marguerite, vesve de feu maistre Philippe de Paris, en son vivant clerc des comptes de feu nostre très chier seigneur et ayeul le roy de France derrenierement trespassé, que Dieu absoille, contenant come depuis Tentrée feicte en ceste ville de Paris par les gens de nostre dit feu seigneur et ayeul et de feu nostre très chier cousin le duc de Bourgogne derrenierement trespassé, icellui feu maistre Philippe et ladicte Marguerite sa femme, pour la grant et excessive mortalité qui lors estoit en ceste ville de Paris, se feussent partis d^icelle ville et alez en la ville de Saint-Mor-des-Fossez où ilz demourerent par long temps et jusques à ce que ladicte mortalité seurvint en ladicte ville de Saint-Mor, pour laquelle éviter et le péril et dangier d^icelle, ilz feussent alez en la compaignie de feu Girart de Montagu, jadis evesque de Paris, duquel icellui maistre Philippe avoit toute sa jeunesse esté serviteur, ou chastel du Bois-Malesherbes^ oti ilz se tindrent très longuement sans eux entremettre aucunement du fait de la guerre, au mieulx et plus simplement qu'ilz peurent et

I. Le château de Malesherbes (Loiret, arr. de Pithiviers, chef-lieu de canton) appartenait alors à Jacqueline de Montagu, dame de Graville et nièce du prélat parisien (voyez plus haut, p. 18).

1425, sept.] DOMINATION ANGLAISE. 181

sceurent, et depuis, pour éviter les guerres et grans periiz qui estoient environ icellui chastel, feussentlesdiz feu maistre Philippe et Marguerite alez en la compaignie dudit evesque en la ville de Bourges où ilz ont vesqut à leurs despens, sans eulx entremettre aucunement dudit £eût de la guerre jusques à ce que, en icelle ville, ledit feu maistre Philippe est aie de vie à trespassement, et combien que ladicte Marguerite qui est natifve de ceste ville de Paris eust suyvy son mary, plus par contraincte que de sa voulenté, et que depuis le trespas dUcellui elle ait tousjours désiré de retourner en ceste ville de Paris et en nostre obéissance, neantmoins pour les grans periiz et dangiers qui ont esté et sont sur les chemins et aussi que ledit feu maistre Philippe, lui estant en vie, et elle ont esté appeliez à noz drois et banniz de nostre dit royaume de France comme l'en dit, et elle n^a osé ne oseroit bonnement retourner en nostre dicte ville de Paris ne en autre lieu à nous obéissant, sans avoir de nous sur ce noz congié et licence, requérant humblement iceulx, mesmement que ledit bannissement qui est advenu du vivant de sondit feu mary ne est aucunement venu à la congnoissance de ladicte Marguerite comme espèrent iceulx supplians. Pour quoy nous, desirans redduire et mettre en nostre obéissance noz subgiez, et voulans démence et miséricorde préférer à rigueur de justice, et les faiz des femmes vesves estre favorablement traiaiez et démenez...

Si donnons en mandement par ces présentes au prevost de Paris

Donné à Paris, ou mois de septembre, Tan de grâce mil lui^ et xzv, et de nostre règne le tiers.

Ainsi signé : Es requestes tenues par monseigneur le régent

de France, duc de Bedford, esquelles vous, Tarcevesque de Rouen,

les evesques de Beauvais et de Noyon, le premier président et

autres pluseurs estoient,