REGRETS DU PAYS

BALLADE

EN regardant vers le païs de France, Ung jour m'avint, à Dovre sur la mer, Qu'il me souvint de la doulce plaisance Que souloye oùditpaïs trouver.

Si commençay de cueur à souspirer, Combien certes que grant bien me faisoit De veoir France, que mon cueur amer doit.

Je m'avisay que c'estoit non sçavance

De telz souspirs dedens mon cueur garder,

Veu que je voy que la voye commence

De bonne paix, qui tous biens peut donner.

Pour ce, tournay en confort mon penser :

A\ais non pourtant mon cueur ne se lassoit

De veoir France, que mon cueur amer doit.

Alors, chargeay en la nef d'Espérance

Tous mes souhaitz en les priant d'aler

Oultre la mer, sans faire demourance,

Et à France de me recommander.

Or nous doint Dieu bonne paix sans tarder I

Adonc auray loisir, mais qu'ainsi soit,

De veoir France, que mon cueur amer doit.

Paix est trésor qu'on ne peut trop louer, Je hé guerre, point ne la doy priser ; Destourbé m'a longtemps, soit tort ou droit, De veoir France, que mon cueur amer doit.