I . A côté du Roi. — 2. Villaines

. mens, et là fu ochis Charles d'Ardebelle, et fu enseigiiié parunFlamenc qui depuis eustle teste coppée pour clie qu'il ne vault mie renier Gantois. Et là moru par droit conte xxvi™. et v*^. Flamens, sans chaulx qui furent tués en eux fuiant, dont moult en y eult en celle nuit, et demoura le Roi sur les camps et firent les gens d'armes pour la nuit leurs logis des picques as Flamens dont moût en y avoit.

Gantois s'en vont fuiant vers Ordenarde, où . Philippe d'Ardebelle avoit laissié Flamens pour le siège tenir, mais quant il furent là venu et que chaux du siège sceurent qu'ils estoient desconfi, il se partirent. Ainssi qu'il s'en aloient, Daniel de Halin se frapa en aux à tous les soudoiers du chastel et en tua grant foison, et perdirent tentes et harnois. Che fu entre l'an mil ccc im" et trois entre le Toussaint et Noël. Et là monstra nostre seigneur belle miracle, car je croi que entre le Toussaint et le Noël ne fist ossi belle tamps ; et qui adonc eult volut croire Engueran d'Eudin, on fust aie jusques à la ville de Gant.

Or s'en ala le Hasse de Flandres à Courtrai et le mist à la subjection du Roi, et puis y ala le Roi, et là fut VII jours, et là vint la ville de Bruges et aportèrent les clés de la ville et promirent à rechevoir et à obéir o conte Lois. Et là vint la ville de Gant à obéissanche du Roi et vaulrent tenir du Roi et non d'aultrui , mais le Roi les refusa. Quant le Roi se deult partir de Courtrai , il fist partoult bouter le feu et fu la ville toute arse pour ce que, au tamps que i passa, Flamens ochirent grant quantité du noble sanc de Franche devant la ville et en prinrent les esprons dorés dont la somme estoit grande et les misrent en

une trésorie, et les monstroient de an en an, au jour que la bataille se fist.

Le Roi se parti de Flandres, et s'en vint à Tournai et là y fut au Noël, et là fut moult honnerés, et de là se parti et s'en vint à Compiengne, et là séjourna ung peu et depuis il lui fut loé qu'il alast à Paris et il y fu noblement recheus. Mais le Roi et ses conssaux estoit courcbiés pour clie qu'il y avoit eu malés * portés de quoi on avoit brisié les wis de Chastelet et débrisiés les prisons du vesque dont Hue Aubriet qui estoit pruvost de Paris n'en fust jamais issus s'il n'eussent cbe fait.