Suppléez tenir

queslës, ils mandèrent leur chapitaine qu'on nonunoil Pierre Dubos et se partirent par nuit pour venir o pont. Li sires de Sempi s'estoit aies logier en un grant pré bien loin g de la ville. Il lui fu mandé qu'il fust chelle nuit sur sa garde, et qu'on avoit veu grant plenté de Flamens issir de la ville d'Ippre. Lui et ses gens furent toute la nuit arme pour che qu'il oïrent de nuit grant noise , et on lui disoit vérité, car il y avoit xw*". Flamens, et venoient à grant effort pour le pont bien garder. En laquelle bataille il avoit une tripière, qui portoit leurbanière, et estoit ossi que toute esragié et femme de malvaise vie, et l'apeloit-on Marie Trisse; elle crioit et bréoit. Li sires de Sempi fist espier chelle gent, mais le grant ost s'estoit partis en deux, et en ala une partie parmi les haies, et s'en alèrent à Commines, et ardirent la ville et le pont que Franchois avoient refais; et l'autre partie s'en venoit le grant quemin, et là estoit Pierre Dubos leur chapitaine et Marie Trisse qui portoit leur banière ; et faisoit bel et cler et luisant, et luisoit la lune. Li sires de Sempi et ses gens se mirent en ung enclos : il se mirent à consel de demander à tous les seigneurs et à tous les variés se il voloient atendrele fais de la bataille, etquilnelevoloit atendre s'il s'en alast. Et lors s'en alèrent mi variés qui avoient plus quier à estre aveuc le grant ost. Quant li sires de Sempi eult che fait, il issirent ung peu hors, affm que Flamens les veissent et si firent- il ; et lors is sirent et frapèrent ensamble, et là y eult grande ba taille et mervilleuse de si peu de Franchois, contre si peu de Flamens*, et fut par nuit à la lune, et là fu Marie

1. P. d'Orgemont donne cependant à entendre que les Flamands ctoient beaucoup plus nombreux que les gens de Sempy. (f^or. p. 14).

Trisse tuée et furent Flamens desconfis. Et là fu li sires de Sempi, li sires de Rambures, li sires de Brimeu et II. fils jumiaux qu'il avoit, et li sires d'Auxi, et li sires de Fesses, li sires de Croï, et Morelet de Hardentin, li sires de Wargnies, le Galois de Renti et ses iiii. frères, les enffans du Faiel et pluiseurs autres, et pluiseurs escuiers. Et là eult noble journée, et y furent chevalliers les II. fils li sires de Brimeu et pluiseurs aultres, jusques à la somme de xvii. chevalliers.

Quant le Roi oui dire que Flamens avoient ainssi esté desconfis de la route au seigneur de Sempi, il, qui estoit Jones, vault vir chaux, l'un après l'autre, qui avoient esté à la besongne. Li sires de Sempi assembla toute sa gent et les fist-on aler devant le Roi et les seigneurs, et là aquirent grant honneur. Le pont à Commines fut refais, et passa l'ost.

Les Flamens qui escapèrent du sire de Sempi s'en alerent au siège à Ordenardre aveuques Philippe d'Ardebelle. Daniel de Hallin* qui gardoit le chastel d'Odenarde fist requerre par un hérault au sire de Herselles trois caups de lanche et fist demander sauf alant et sauf venant. Le j ouste lui fu accordée, et joustèrent, et tant que Daniel de Haluin mist en tel point le sires de Herselles qu'il ne se sçavoit soustenir et jousta ses trois lanches et s'en r'ala en son chastel.

De Conmines se parti le Roi et les barons et s'en alèrent à Mesines et de là à Pauperingue où il avoit moult de richesses et par espécial de draps, car on véoit bien aporter par fardiaux , par chevaulx et à

i. Halluin.

cars, à Lille, à Tournai et à Bétune. Li amiraux de Franche envoia devers Conmines Jehan de Nant, le sire de Sainte Croix, Guerat de Bouberch^ le seignei^.r de Tinteville et trouvèrent deseure mesmes v*". FÎainens et les assallirent et les desconfirent et moult peu durèrent , et cheulx qui en escapèrent s'enfuirent à Ippre et dirent as bourgois que le Roi aprochoit la ville. Il avoit aveuc monseigneur l'amiral, un escuier qu'on nommoit Guillaume le Roux ; ichieux fit moult grant oultrecuiderie, car lui, toult seul, s'en alaenla ville d' Ippre et fist ouvrir la baille et là parlementa a chiaux qui gardoient la porte, et tant fist à eulx qui s'assamblèrent et se consillèrent ensamble et tant qu'il rendirent les clés, au non du Roi à Guillaume le Roux, et les aporta au Roi, et les présenta au Roi et amena aveuc lui Jacques Dubos leur capitaine. Et adonc envoia le Roi à Ippre Jehant de Nant et y fist porter pluiseurs de ses banières.

Enchel tampsque le Roi estoit en Flandres, estoient devant Cassel grant foison de Flamens , et là estoit la Ducesse de Bar, laquelle les fist combatre et furent desconfis, et les chapitaines prins et présenté au Roi, et les fist le Roi coper les testes.

Et dirai de Philippe d'Ardebelle qui se desloga du siège d'Odenarde pour venir contre Franchois, et laissa au siège devant Ordenarde un Flamenc que on nommoit Simon Quatremons. Quant Philippe d'Ardebelle se parti, bien avoit lx°' Flaments, sans xxvi*' Flamens de la ville de Bruges que ung Flamens nommé Pierre de Wimistre li amena de par chaulx de Bruges. Quant l'ost des Flamens s'en venoit devers Rosebeque, il se metoient le plus en ung mont qu'il pooient, et ossi

il aloient le jour le mains qu'il pooienl, affin que les Franchois ne les vésissent, et disoient ensamble que se. les Franchois les véoient à toult leur puUe que il s'en fussent fui, et etoit le cri des Flamens Saint Jorge ^ et av oient ung Saint Jorge qui est oit monté sur ung cheval ; et là n'avoit mestier en Flandres qui là n'eust sa banière.

Tant cheminèrent Flamens qu'à deux lieux de Rosebeque se logèrent en une vallée assés près de Mont d'or, et se mirent Flamens si en ung mont qu'il ne sembloit mie qu'il fussent xvi™. Le Roi et les seigneurs firent espier les Flamens par moult de fois et tant que par ung jeudi se mirent Flamens à banière levée pour venir assallir les Franchois, et Franchois se mirent enconroi. Ainchois que Flamens se fussent parti du val, il firent ung parlement en une grange, et là, entre les Flamens, vint une souris entre leurs pies et le cuidèrent prendre et tant tempêta entre leurs pies qu'elle escapa. Et là avoit ung chevalier que on nommoit le sire de Herselles, lequel y prinst moult de malvaises segnefianches et là dit qu'il ne se combateroit jà contre Franchois, et de là se parti.

Or furent Franchois et Flamens si aprochié que pour combatre, et ychel jour fu au rain du Roi* li sires de Raineval, Enguerant d'Eudin, le Besgue de Vilainges', et li sires de Pommiers, et fu parle jeudi, que la bataille assambla ; Pierre de Villes porta l'oriflambe de Franche, et tant se combatirentque Flamens furent desconfit. Et là morut à l'assambler le sire de Wavrin et ung sien escuier par follement assallir Fla-