Terzi bachi
■MB
Memercy ', c'est ung office qui est sur les maçons ; cestuy a plusieurs esclaves et Janiceres lesquelz on luy donne pour aprendre le mestier.
Il y en a aussi d'autres depputez à faire les arcz et d'aultres qui font les fers des flèches, d'autres qui font les aneaulx d'oz pour tirer la corde de l'arc et d'autres qui font des selles, brides et mors pour les chevaulx, des batz pour les muletz et d'autres pour les chameaulx. Hz ont tous gaiges de l'Empereur et ont grande quantité de Janiceres et des esclaves pour aprendre les mestiers.
Il y a ordinairement huict mille mucules 2 ou plus, tous ayans gaiges. On leur a donné une contrée de pays pour vivre aulcun temps, et ledict temps fourny, on les change et s'en retournent en court
i . Mimar bachi.
2. Au lieu de Muculcs qui ne présente aucun sens, il faut lire Mazoul qui est le terme désignant les fonctionnaires privés de tout emploi. Mazoul signifie destitué.
i il
comme gens cassez, pour demander autre quartier de pays aux Bassa et aux Bellerbey ou au Cadilesquier et continuellement y a quelque capitaine cassé en court pour demander nouvelle province Au temps de Sultan Baiazit fut faicte la descripcion de la court dudict empereur. On trouvoit que ordinairement, il y avoit de esclaves tant de Bassa, Bellerbeys, Cadilesquier, Janiceres, Moracorbassi et de toutes les offices que avons recitez, les venneurs estant ordinairement en court, canonyers, cousturiers et tous ceulx qui gouvernent les muletz et les chameaulx, Janiceres et aultres esclaves, lesquelz ont tous gaiges ordinaires sont la quantité de vingt huict mille, tant à cheval que à pied, et en ce temps là on en trouvoit autant à la court de l'Empereur des Turcqz. Et à ce que j'entendz, de présent, ledict Seigneur a creu son estât, en sorte qu'ilz sont trente deux
e la court de
ille. Et velà le trair l'empereur des Turcqz.
Et pour entendre plus amplement le tout, le Seigneur est puissant de gens, d'obéissance et d'argent. On fit le compte au temps de Sultan Baiazit. On trouvoit qu'il avoit dessoubs son empire ung million et cens et dix mille Crestiens payans tribut sans les aultres Crestiens qui sont ses vassaulx qui sont affranchiz par previllege, sans les enflants des Crestiens qui sont petitz et ne sont point encores en aage de payer tribut. Et fit on extime que l'Empereur a de revenu en carazes, sallines, daces, pescheries trois millions et six cens mille ducatz en argent, lequel revenu passe par les mains du trésorier, dont il a été despendu une partie et l'autre on le mect au trésor. Velà son ordinaire. S'il ne vouloit, par autre voye indirecte, tyranniser son peuple ainsi que ont faict d'autres empereurs turcqz, en ce faisant, son revenu vauldroit beaucoup plus et c'est tout ce que j'ay peu entendre par bon moyen et parle qui vouldra au contraire, j*en diz la vérité.
L'ordre que tient l'Empereur en donnant audience en Constantinoble est tel.
La court est faicte en telle sorte. Il y a ung grand portail de marbre bien ouvré de menuyserie avec lectres moresques qu'il faict moult beau veoir. Ladicte première porté, on la souloit garder au temps passé et maintenant chascun y entre à cheval. Et quant on est à ceste porte, on trouve une belle grande place. A l'ung des coustez, à l'entrée de ceste première porte, à main gauche, estoit une petite esglise tresancienne près de sainte Souffye, de laquelle j'entens qu'ilz ont faict une cuysine couverte de plomb, ainsi que les maisons de l'Empereur. Et du cousté à main droicte de ladicte place est le jardin de l'empereur. Et quant on a passé ceste grande place à cheval, on vient à une autre grande porte de marbre fort bien ouvrée et bien belle et devant que arriver à ladicte porte, il fault descendre à pied, car les Bassa, Beyllerbeyet autres seigneurs se mectent à pied les ungs bien
loing de ladicte porte, les autres bien plus près selon Testât et la condicion des personnages. Combien que les Bassa ont accoustumé d'aller descendre tout au plus près de la porte, mais s'il y avoit ung des Bassa qui fust goûteux ou à mal ayse de sa personne, il entreroit tout à cheval dedans ladicte porte. Et est gardée ladicte porte des Capizi desquelz avons fait mencion par avant, lesquelz tiennent de gros bastons en leurs mains. Et s'il y a quelcun qui veuille entrer et mesmement Crestien ou Turcq de basse condicion, ilz auront beaucoup à faire d'y entrer et mesmement de vouloir entrer de bonne heure, car lesdictz Capizi n'oseroyent parler autrement que à grandz coupz de baston sans avoir regard à nully. Et quant on est à ceste porte, on trouve une autre place ung petit moindre que la première. Et, en ceste seconde place, du cousté droyt, sont les cuysines qui servent pour l'usaige Je la maison du Seigneur. A l'autre cousté
de ladicte place, sont estables ou .1 y a
des chevaulx establiz pour le Seigneur.
Et quant on veult aller en ceste seconde porte là où sont les Bassa, il faut passer par le myllieu de ladicte place. Il y a audict lieu des Capizi qui la gardent. C'est tousjours la coustume de non parler autrement que à grandz coupz de baston.
En passant du cousté dextre vers les cuysines sont les Janiceres, environ dix ou douze mille et sont touz debout excepté leur Aga lequel, à l'entrée de la seconde porte est assiz à une gallerie avec quelque seigneur. Et au cousté gauche, vers les estables, sont tous les Spacollainy tous debout et les Alephises, (Ouloufèdjis), les Sillictaires et toutes autres manières de gens ayans gaiges, desquelz avons faict mention cy devant. Et tous ceulx qui viennent pour avoir audience des Bassa sont à main gauche du cousté des estables et tous debout. Et c'est belle chose de veoir si belle assemblée tant bien en ordre, les aulcuns vestuz de drap d'or, lesaultresde veloux figuré,
en grandz pompes et gouvres. Et quant on a passé ceste porte au bout, il y a une petite chambre où lesdietz Bassa tiennent leur audience. Et devant qu'on viegne audict lieu, il y a ung guet de Capizis. Et en ceste petite chambre ont de coustume les Bassa tenir leur siège. Les Beyllerbey, les Cadilesquier, les Tephtertares, les Nyzanzibassi, et chascun a de coustume de dire aux Bassa leur affaire et après, ilz le rapportent et consultent au Seigneur. Et incontinent se délibèrent de donner la responce. Et si c'est ung ambassadeur, il peult aller avecq son présent baiser la main de l'Empereur et luy présenter les lectres de créance et ne dira à autre son ambassade que aux Bassa lesquelz consultent avecq le Seigneur et donnent la responce et le répliqueront plus d'une foys, si la matière le requiert.
Et auprès de la chambre desdietz Bassa est une autre chambre où se tiennent les escripvains; et de l'autre cousté est celluy qui signe les commandementz et lectres
dudict Seigneur, mectant la teste dudict Seigneur dessus. Et fault entendre que en trois manières ilz ont de coustume d'escripre le nom, c'est à savoir la teste de l'Empereur et seigneur des Turcqz avecq le signe ou teste ou le nom en teste de la lectre ; autrement les Bassa et les Seigneurs ont accoustumé le mectre au mylieu de la^ lectre. Les aultres qui sont de basse condicion le mectent au pied de la lectre. Etvelà la coustume de ceste petite chambre des Bassa. Et le lieu des Tephtertares et escripvains est une grande gallerye qui est au bout de ceste place faicte de marbre dontj'ay souvenance, que plusieurs ans a desjà passez, de la bonne memoyre du mien seigneur, Emmanuel Paleologue, chassé de Grèce, y soulloyt asseoir. Il n'y a aultre Seigneur en Turquie qui se puysse asseoir audict lieu lequel a une porte par laquelle on entre à la maison du Seigneur. Et les petites chambres des Bassa sont toutes par bas excepté que dedans, quasi à ung bout des-
dictz lieux, il y a ung beau lieu spacieux et cler, lequel est faict pour la récréation du Seigneur. Mais tout le demourant, ilz ont tousjours accoustumé eulx loger par bas et en plaine terre jusques à ceste porte qui est dudict lieu. Les Capizi en ont la garde et le chef en est le Capizibassi.
Quant on est entré en ceste troisiesme porte les Capizi et le Capizibassi ne s'en meslent plus et demoure la garde aux eunucques lesquelz ont le Capizibassi leur eunucque, lequel se tient à la porte de devant la chambre de l'Empereur. Et pour ce, que au temps que vivoyt Zem Sultan, l'Empereur Sultan Bajazit son frère falloit qu'il se monstrast souvent aux Janiceres; il souloit sortir dehors et venoit audict lieu de bon matin et les Bassa sortoyent de la petite chambre avecq les autres seigneurs dessusdictz et luy faisoient grande reverance jusques à terre.
Les autres gens d'armes se jectoyent la face en terre et souloient dire une oroison en priant Dieu qu'il saulve et garde et
maintiengne le Seigneur per infinita seculaseculorum. Et à grand peyne avoient finy leur oroison qu'on portoit les viandes des cuysines et les premiers metz, on les portoit au Seigneur et après aux Bassa lesquelz estoient loing de la personne du Seigneur plus de huit pas. Et j'ay veu porter aux autres qui estoyent en court après que le Seigneur avoit prins son repas. Incontinent, il entroit dedans par ladicte porte saluant en bessant la teste tant au sortir que à l'entrée.
Il venoit six cens grandz platz desquelz j'ay parlé cy devant, pleins de ris, de chair et d'autres de leurs viandes et en moyns que l'on diroit ung Ave Maria, tout estoit dévoré.
En celluy temps, ledict Sultan Bajazit souloit se lever de bon matin, mais à la dernière foys que je le veiz, à cause de sa viellesce, il ne tenoit pas grand compte de donner audience et ne prenoit pas trop les matières à cueur.
Et a tousjours esté accoustumé que les
:«s£dm9u
Cadilesquier estoient et sont lespremiers, lesquelz entrent là où est le Seigneur et après les Bassa et les Beillerbey. Et quant ilz retournent, il y en a ung qui s'appelle Divan Jaqiifi 1 , lequel est assis en une petite chambre séparée des autres escripvains, auquel les Bassa rapportent tout ce que le Seigneur a commandé et il l'enregistre. Et quant il vient à point, il le dit en temps et en lieu. Et après, ilz se assient en la chambre petite et donnent audience. Et les Tephtertares se assient ung petit et après s'en vont trestous en leurs maisons. Les Cadilesquier partent les premiers, car quant ilz se partent du Seigneur, ilz s'en vont ung petit seoir avec les Bassa et après ilz vont donner audience dessus la seconde porte, laquelle est faicte en sorte quechascun a son siège pour juger la banque de sa province. Et après, chascun s'en va en sa maison. Les Beillerbey s'en vont devant, les Bassa et
