Le mot ouvrier ne compte ici que pour deux syllabes

D'antique ouvrage a composé Nature

Le boys du lict, où n'a un poinct obmis :

Mais au coissin plume très blanche et pure

D'un blanc coulomb le grand ouvrier ^ a mis ;

Puis Charité tant quise, et demandée,

Le lict prépare avec Paix accordée ;

Linge trespur Dame Innocenceifile;

Divinité les trois Rideaux enfile,

Puis à l'entour le tendit et posa,

Pour préserver de vent froid et mobile

La digne couche où le Roy reposa.

Aucuns ont dict noire la couverture, Ce qui n'est pas. Car du Ciel fut transmis Son lustre blanc, sans aultre art de taincture; Un grand pasteur l'avoit ainsi permis.

Lequel jadis par grâce concordée, Des ses aigneaux la toyson bien gardée Transmit au cloz de Nature subtile Qui une en feit la plus blanche et utile Qu'oncques sa main tyssut ou composa, Dont elle orna (oultre son commun stile] La digne couche où le Roy reposa.

Pas n'eut un ciel faict à frange, et figure De fins damas, sargettes, ou samis :

Car le hault ciel, que tout rond on figure, Pour telle couche illustrer fut commis.

D'un tour estoit si précieux bordée Qu'oncques ne fut de vermine abordée.

N'est-ce donc pas d'humanité fertile Œuvre bien faict, veu que l'aspic hostile, Tour y dormir approcher n'en osa? |