IG

Comment sainct Bernard vint à Cterevaulx. et de la

situation d'icelle.

Quant il pleut à Dieu qui avoit séparé sainct Bernard du siècle etTavoit appelle pour révéler en luy sa gloire, affin que par luy, il assemblast plusieurs enfans de Dieu qui estoient dispersez, il inspira le vénérable abbé Estienne d'envoyer des frères pour édifier la maison et abbaye de Clerevaulx. Auxquelz quant ils s'en partirent de luy, il bailla sainct Bernard pour eslre leur abbé, dont ils furent moult esmerveillez. Car ils estoient tous anciens et meurs et nobles, tant de religion comme de lignage, et sainct Bernard esloit jeune et moindre d'aage, malade de corps et de foible complexion et n'avoit point coustume ne usage de soy occuper es choses mondaines et pour ce avoienlils doubte de luy. Ils vindrcnt donc jusques à Clerevaulx qui est un lieu en l'évescbié de Lengres près delà rivière d'Aube là où esloit une grande larronnière et fosse de larrons. Et anciennement esloit appelle ce dit lieu la vallée d'Amaritude, tant pour cause de ce qu'il y avoit grande htibondance d'une herbe amère, laquelle aucuns appellent aloine et en latin est dicte absinlhium : comme pour l'amaritude de la douleur et de l'horreur de ceulx qui y esloient prins ou mys à mort pir les larrons. En ce lieu solitaire et plain d'horreur, se logèrent ces sainctz hommes dessus nommez, pour faire de cette larronnière et de cette fosse de larrons ung temple de Dieu et une maison d'oraison, là où par l'espace de certain temps ils servirent humblement à Dieu, en povreté d'esprit, en souffrant faiu et soif, en froidure et nudité, en dormant peu souvent, ils faisoient souvent leur potage de feuilles de faoux. Leur

pain esloit pareil au pain du prophète qui esloit d'orge, de millet, et de veces tout ensemble, tellement que quant ung dévot religieux homme les alla une fois veoir et visiter le lieu et l'en eust mis de ce pain devant luy en l'hostellerie, il en embla tout en pleurant et l'emporta secrètement pour lemonstrer à plusieurs comme pour miracle de ce que telz hommes et si sainctes gens vivoient de tel pain... Liv. L Chop. n.

De la grant povreté que sainct Bernard et ses frères souffrirent à Clerevaulx et comment il envoia quérir du sel sans argent.

Hz souffrirent en ce lieu et endurèrent au commencement si grant povreté que leur pain qui n'estoit pas d'aveine, car ils l'eussent réputé bien précieux, mais estoit d'autre plus povre et plus ville mixtion et sembloit mieux eslre de terre que de farine. Leur potaige estoit de feuilles d'arbres cuytes en esté et de racines d'herbes en yver. Le fruit des faoux et autres fruitz sauvages que la terre produit naturellement estoient leurs meilleures viandes. Leur vesture, tant en esté comme en yver, estoit une conle et une robe peu souvent renouvellée et estoient povrement chaussez de souliers souvent et longuement derompuz et descousuz premièrement qu'ils fussent réparez, lesquels par faulte de cuir, ils lyoient de cordes.

En cette grant povreté advint ung jour, que, entre les nécessitez, il n'y avoit grain de sel en toute la maison. Lors sainct Bernard appella un des frères nommé Guibert et lui dist : — Frère Guibert, prens nostre asne et t'en vas à la

foire de Hisnel (1) et nous achetés et raportes du sei. Auquel le dit frère demanda argent pour l'acheter et payer. Et le sainct homme luy dist : — mon lils, saiches pour vray que je ne scay dès quel temps je euz ou tins ne or, ni argent. Là sus au ciel est celuy qui a ma bourse et mes trésors sont en ses mains. Adoncqucs le frère comme en soubzriant luy dist : — s'il fault que je aille sans argent, je retourneray sans denrées. Auquel sainct Bernard respondit ; — N'ayesdoubte, mon fils, va t'en toutseur. Car celluy qui a nos trésors, comme je t'ay dit, sera avec toi au chemin et te fera avoir ce pourquoy je t'y envoyé.

Après ces paroUes, le frère print la bénédiction du sainct homme, et s'en alla avecques l'asne à la foire plus incré* dulle qu'il ne devoit. Mais Nostre Seigneur ne regarda pas à son incrédulité, mais à la bonne foy de son loyal et dévot serviteur et lui flst avoir tout ce pourquoy il estoit envoyé. Car ainsi comme il approucha du chasteau de Risnel en passant par une ville assez près, il rencontra ung prestre qui le salua en demandant dont il estoit et là où il alloit. Auquel frère Guibert responditenlui exposant diligemment la cause de son voyage et la povrelé du lieu auquel habitoit le sainct homme avec ses ûlz spirituelz. Et quant le prestre l'eut ouy, il fut fortement compunct et mena le frère en sa maison et luy donna demy mynot de sel et cinquante sols avecques. ainsi comme le dit frère Guîbert qui souvent depuis le récitoit. Et ces choses reçues il commença rendre grâces à Dieu, et dire en son cœur : — Sans doubte. vraye est la parolle de nostre père envers lequel j'ay péché pource que je ne l'ay pas creu. mais suis icy venu incrédule. Et en saluant le prestre et disant à Dieu s'en retourna à Clerevaulx, et vint diligemment au saint homme et lui racompta tout ce qui luy estoit

(1) Risnel, RisneUum oppidum.

advenu au chemin. Auquel le sainct homme respondit : Je le dis, mon filz, qu'il n'y a rien qui soit tant nécessaire à tout chrestien que d'avoir bonne foy. Ayes doncques bonne foy et bien l'en sera tous les jours de ta vie. Dès ce jour en avant tant le dit frère Guibert comme tous les autres eurent les paroUes de leur sainct père en plus grant révérence. Lïv. VII. ch. S. (1)

Comment nostre Seigneur pourveoit à ses serviteurs et comment Hz s'en vouloient retourner à Cisteaulx, mais sainct Bernard les retint.

Ung des frères de Clément Impre (2) vint une foiz à Clerevaulx pour veoir celle nouvelle plantation de Jésus- Christ, lequel y fut receu honnorableraent selon que faire se povoit, et devant luy on apporta ung demy pain d'avene dont il se merveilla moult de ce qu'ilz vivoienl de tel pain, et en reporta une portion à Clément Impre, pour le monstrer à ses autres frères, comme il fist en leur racomplant la volontaire abstinence en grant povrelé des serviteurs de Nostre Seigneur et leur patience en cette abstinence et en leur povrelé la grant et charitable libéralité, et tantosl les diclz frères de Clément Impre furent tous compunctz et en ayant compassion d'eulx, d'ung commun consentement le maislre du dit lieu, nommé Odo (3) qui estoit homme vénérable et aymé de Dieu et des hommes,

(1) Vie de S. Bernard, par Jehan Lbennite.

(2) Clementinum pratum. • (5) Odo, Eudei.

chargea chevaulx et asnes et leur mena en charrettes pains et viandes. Kt dès ce jour, fut si grant communication de fraternité entre Clerevaulx et Clément-lmpre, que quant les frères de Clément-lmpre venoientà Clerevaulx on leur faisoit honneur et service comme à ung de Clerevaulx et aussi faisoient les autres à ceulx de Clerevaulx et aux trespassez pareillement, ils rendoient et faisoient le service les ungz pour les autres. Et ainsi le doulx Jésus de plus en plus pourveoit à ses serviteurs de leurs nécessitez.

Une femme aussi vint à sainct Bernard et luy apporta cent soulz, dont la nudité de leurs piedz fut couverte. Ils n'avoient nulles bestes fort que ung asne qui leur apportoit du bois pour leurs nécessitez ....

Les frères doncques ainsi contrains de fain, de froit et d*autres indigences se complaignirent à sainct Bernard leur abbé, en luy remonslrant que pour cause de ceste trop grande povreté, les en failloit aller et départir de ce lieu. Lors en les consolant bénignement et doulcement en tant qu'il peut, leur remonstra la crainte et amour de Dieu et l'espérance de la vie éternelle, et de la rémuméralion divine, et néantmoins pour les angoisses et douleurs qu'ds souffroient ils ne se vouloient consentir de demourer, mais s'en vouloient retourner à Cisteaulx dont ilz estoient venuz, et quant le sainct homme vit leur déspération, finablement il se myst en oraison qui estoit son refuge en toutes nécessitez, et tantost luy vint une voix du ciel qui luy dist devant tous ses frères : Bernard, lève-toy, car ta prière est exaulcée. Et quant les frères eurent ouye cette voix du ciel, ilz gloriflèrent Dieu et sainct Bernard et lui dirent : Nostre père, dis nous s'il te plaist quelle chose tu as maintenant requise et demandée à Dieu. Ausquelz il répondit : Que voulez-vous scavoir, o gens de petite foy, demourez en ce lieu-cy, et vous le scaurez cyaprès. Et ainsi comme ils parloient ensemble en devisant les ungz aux autres des saintes parolles, il survint ung

homme qui présenta dix livres à sainct Bernard, et un peu après vint ung autre de Bar-sur-Aube qui luy apporta treize livres en le requérant humblement qu'il eust pitié de son filz lequel estoit si malade que on n'avoit point d'espérance de sa vie, lequel homme sainct Bernard consola et le renvoya joyeulx en luy promettant qu'il trouveroit son (ilz tout'guar'y, et quant le dit homme vint en sa maison, il trouva "son filz restitué à bonne santé, comme le sainct homme luy avoit promys. pour laquelle chose il luy en vint depuis rendre grâces dévottement.

Après \\n^ peu de temps la miséricorde de Dieu largement et béni'gnement se estendit sur ses dévotz serviteurs, tellement que avec les biens de grâce, ilz eurent soufûsante habondance des biens temporels et n'eurent plus de deffault par le moyen de leur bon père. Liv. VIL ch. 3.

Comment sainct Bernard vit en vision plusieurs gens

venir à Clerevaulx.

H advint une fois en ce temps-là que sainct Bernard et ses frères se levèrent à matines plustost qu'ils n'avoient acoustume, tellement qu'il y eut une bonne et longue espace entre matines et laudes. En cette espace samct Bernard, qui estoit en ce désir de fruit spirituel dont nous avons parlé, yssit hors, et alloit circuiant le lieu en priant Dieu qu'il eust agréable son service et le service de ses frères Ainsi comme il faisoit son oraison, il cligna ung petit les yeulx et tantost il vit tout à l'entour de luy si grant multitude de hommes de divers habitz et de diverse condition qui des montaignes prochaines descendoient en la vallée, qu'il luy serabloit que la vallée ne les pourroit en nulle manière comprendre ne contenir tant y en avoit. Laquelle vision et quelle chose elle signiQoit a esté clercment de-

monstre depuis par les grans multitudes de gens qui y ont esté. De celte vision le sainct homme fut grandement consolé et exhorta aussi ses frères en les admonnestantqu'ilz eussent toujours bonne espérance de la miséricorde de Dieu. Liv. I. ch. 24.

Comment sainct Bernard ouyt cl vit les anges chanter en la place où est maintenant ieijlise de Clerevaulx.

En cette année le sainct homme une fois entre les autres de nuyt très dévotement avoit espandue et levée son ame par dessus luy. en priant Dieu par grant dévotion et attention. Et ainsi, comme il commençoit à sommeiller, il ouyt plusieurs voix ainsi comme d'une grande multitude de gens qui passoient par emprès son petit tugurion. Il s'esveilla et encores les oyoit-il plus fort et plus plaiuement. Adoncques il se leva et yssit hors de sa chambre et alla après eulx. Assez près de là avoit une place toute plaine de grans et cspes buissons d'espines et de ronces, mais elle est maintenant moult changée et bien autre que elle n'estoit. Sur ce lieu là ces voix s'arrestèrent et y demeurèrent par quelque espace de temps en chantant les unes après les autres, les unes d'une part et les autres d'autre, et esloient ordonnées et disposées ainsi comme deux choresde religieux qui chantent la psalmodie. Le sainct homme de Dieu les oyoit et y prenoit très grant délectation. De laquelle saincte vision toutes voyesil n'entendit point le mystère jusques par l'espace d'aucuns ans, après que les édifices furent translatés et qu'il vit l'église de Clerevaulx estre située et édifiée en la propre place là où il avoit ouy chanter les sainctes voix. Et lors s'apperceul que celte saincte place esloit sanctifiée, aggréable et plaisante à Dieu. Liv, 1, ch. S9.

Comment Dieu multiplia les greniers de Clerevaulx ou

temps de famine.

En ce temps fut très grant famine en France et es prochaines régions. Mais nostre Seigneur par sa bénédiction multiplia les greniers de ses serviteurs. Et dès qu'ilz vindrenl à Clerevaulx, ils n'avoient point eu assez de blez de leur moisson pour toute Tannée. Mais celle dicte année que la famine fut. quant ils eurent cueillie et levée leur moisson et ils eurent diligemment compté et considéré le blé qui y esloit, il leur sembla qu'ils n'en avoient pas assez, à peine jusques à Pasques. Et quant vint qu'ilz cuydoient achepter du bled, ilz ne trouvoient de quoy, car on le vendoit beaucoup plus chier que l'on n'avoit acouslume. Et dès le temps de karesme, grant multitude de povres vint à eulx, auxquelz ilz donnoient libéralement ^t loyaulment de ce qu'ilz avoient. Et nostre Seigneur leur donna sa bénédiction et multiplia ce peu qu'ilz avoient tellement que eulx et les povres qui survenoient en furent joyeusement subslanlez et ne leur faillit point jusques au temps de moisson. Liv. L ch. 38.

PI

H il

Comment pape Innocent vint à Clerevaulx.

En retournant de Liège, le pape voulant par soy-mesme veoir et visiter Clerevaulx, là où il fut receu très dévoilement des povres serviteurs de nostre Seigneur qui luy vindrent au devant, non pas aornez de draps d'or, ne de pourpre, ne avec évangilles dorées, mais en grant compai-

gnie tous vestuz villement de drap tout simple et portant une croix de bois, et non pas aussi en grant clameur, mais en chantant dévotement et humblement, lo receurent très affectueusement. Les évesquesploroient et aussi ploroit le pape et s'esmerveilloit de la gravité et de la meureté de celle saincte congrégation, comment en si grant joye et en si noble solennité ils avoieut tous les yeulx humblement fichez contre terre, sans regarder curieusement de çà et de là, mais comme se ils eussent les yeulx cloz, ils ne veoient nuls et de tous ils estoient regardez. Les Rommains ne veirent oncques chose en l'église de Clerevaulx dont ils eussent convoitise. Ils n'y trouvèrent oncques paremens qui les détint pour curieusement regarder et rien ne veirent en l'église, fors tant seullement les parois toutes nues. H n'y avoit chose en quoy ambition ou convoitise se peust prendre, fors que seullement aux bonnes mœurs et telle rapine ou proye ne povoit estre dommageable aux frères. Tous se esjoyssoient en Nostre Seigneur et faisoient grant solennité, non pas de précieuses viandes, mais de sainctes vertus. Leur pain n'estoit pas de froment, mais estoit d'autres povres semences ensemble et sembloit mieulx estre de terre que farine. Leur vin n'avoit point ou bien peu de saveur ; en lieu de poissons ils avoient des choulz. Et pour toutes autres déhcieuses viandes on leur administroit des pois et des fèves. Liv, II. ch. S.