V!IL

Comment l'abbaye de Clerevaulx fut muée et translatée (ïune place en une autre.

Le sainct homme avoit en son conseil ses vénérables frères avec lesquelz estoit aussi messireGodefroy, prieur de Clerevaulx, son prochain de parentage et d'esprit, homme

saigc, ferme et eslable qui, pour cause de la bonne religion et prudence qui estoit en luy fut depuis évesque de Lengres. Doncques ce vénérable homme et plusieurs autres saiges et discretz religieux de Clerevaulx trèssoigneux du prouffit commun de la maison venoient vers le sainct homme qui estoit en divine contemplation et duquel la conversation estoit au ciel, dont aucunes fois le faisoient descendre et luyremonstroient ce que l'indigence et la nécessité de la maison requeroit. Une foiz ils se assemblèrent et luy remonstrèrent que le lieu où ils estoient estoit trop cstroit et trop petit et qu'il ne povoit comprendre si grande multitude de gens comme ils estoient. Le nombre aussi croissoit tous les jours pour cause des survenans qui venoient à grans compaignies et n'estoit possible de les recevoir dedans les officines et maisons qui estoient faictes et à peine povoient estre les moynes seulement en l'église à cause de la grant multitude. Puis luy dirent qu'ils avoient considéré une place bien convenable ung peu plus bas laquelle estoit plus pleine et plus large et plus près de la rivière et mieulx disposée pour faire et avoir toutes les nécessitez de l'abbaye, c'est à scavoir les prés, les terres labourables, les courtilz et les vignes et que se elle n'estoit assez enclose dedans les bois, que on l'enclorroit bien de murs de pierre dont en ce lieu il y avoit habondance. Quant le sainct abbé les entendit, il ne se consentit pas premièrement à leur conseil, mais leur respondit: Vousveez, dist-il, que à grans despens et à grans labeurs les maisons de pierres sont ja parfaictesetles conduis par où l'eaue vient par toutes les officines nous ont moult chier cousté. Doncques se nous despencons toutes ces choses cy, les hommes du siècle pourront mal penser et mal dire de nous en disant que, ou nous sommes gens legiers et muables ou que grans richesses, lesquelles toutes voyes nous n'avons pas, nous font enrager et forcener. Et aussi de ce que vous scavez bien que nous n'avons point

< lA

d'argent, Je vous respons selon l'Evangille : Quiconques veult édiffier, il doit premièrement compter les dépens, ou

autrement se il commence sans parfaire, l'on se mocquera de luy en disant : Cest homme est ung fol qui a commencé à édifier et n'a peu consommer et parfaire ce qu'il avoit commencé. A cecy les frères respondirent : Se après ce que les maisons nécessaires au monastère ont été parfaictes, Dieu eut cessé d'y envoyer gens pour y demourer, votre sentence pourroit être tenue, et l'on pourroit cesser par raison de faire autres édifices. Or. est-il ainsi que Dieu multiplie et accroisl tous les jours ceste saincle congrégation. Doncques il conviendra que l'en refuse et boute hors ceulx que Dieu nous envoyé ou que l'en face pourveance de maison pour les recevoir. Et il n'est point de double que celluy qui envoyé les habitans appareillera les maisons et habitations pour eulx. Et ja à Dieu ne plaise que pour le paour et crainte des despens, nous encourions les périlz et dommages de si grant confusion.

Quant le sainct abbé ouyt ceste response, il eut grant plaisir et grant joye de la bonne foy et de la grant charité qui estoit en eulx et finablement il se consentit à leur bon conseil, combien que avant qu'il se consentist il fist plusieurs prières à Dieu et si eut aucunes divines révélations sur ce fait cy. Duquel consentement ses frères eurent tous grant joye. et fut tantost publié en plusieurs lieux. Quant le noble prince de bonne mémoire messirc Thibault, comte de Champaigne (1), le sceut, il leur donna très largement de ses biens pour faire les despens et leur promist qu'il les ayderoit de tout son pouvoir. Aussi quant plusieurs évesques de diverses régions, plusieurs nobles chevaliers et barons et honnorables bourgeois et marchans le sceurent. sans qu'ilz en fussent requiz, ils leur donnèrent lar-

(1) Thibaut II.

gement de leurs biens. Tantost l'en fist venir des ouvriers et les frères aussi labouroient en toutes les œuvres. Les ungz tailloient le boys, les autres esquarroient les pierres, les autres faisoient les murs et les autres divisoient la rivière par plusieurs et divers conduis et faisoient venir l'eaue es moulins et les foulons, et boulengiers, tanneurs, et cordonniers, et mareschaulx et autres ouvriers disposoient et faisoient instrumens et engins convenables à leurs mestiers et à leurs ouvrages en faisant venir l'eaue par tous les lieux selon qu'il estoit nécessaire. Et aussi firent venir eaue de fontaine par toutes les officines de l'abbaye par cors de pierre et de plomb. Toutes lesquelles eaues après ce qu'elles ont parfait et accomply leur office et service partout et bien espurgée et nettoyée la maison, finablement elles s'en retournent toutes ensemble avec l'autre partie de la rivière en luy rendant et restituant sa propre quantité. Très legièrement et ainsi comme soubdainement les murs furent parfais qui comprennent très grant circuité tout entour l'abbaye. Et ainsi cette saincte maison avec l'église nouvellement née fut tost eslevée et en très brief temps parfaicte et honnorablement consummée. Liv. IL ch. 2i.

Comment pape Eugène visita Clerevaulx.

En ce temps le pape (1) tint un concile général en la cité de Reims, puis s*en vint humblement visiter Clerevaulx et présenta la gloire de la papalité aux povres servans de nostre Seigneur. Ils se merveilloient tous de ce que en si grant haultcsse estoit humilité immobile et en

(1) Eugène III. disciple de S. Bernard à Clairvaux.

si excellenle prééminence et dignité persévéroit la vertu de sainct propos, tellement que humilité joincte et unie à haultesse pour son offlce resplendissoit par dehors et pour sa vertu ne décroissoit par dedans. Il portoil empres sa chair chemise de drap et de nuyt et de jour estoit vestu de sa conle et tousjours ainsi alloit et couchoit en retenant par dedans son habit de moyne et par dehors il se monstroit pape en bonnes mœurs et en ses vestemens, en faisant chose moult difficile, c'est assavoir en représentant en ung homme la propriété de diverses personnes. L'en luy comportoit partout ses coussins et oreilliers de plume grans et bien parez, son lict estoit couvert de beau drap et couverture de soye, et estoit environné à l'entour d'une belle courtine de pourpre, mais dessoubz ces précieuses couvertures en lieu de beau linge y avoit du gros drap de laine qui estoit estendu sur estrain amoncelé ensemble ou sur paille assemblée assez dure sans autre chose mettre. L'homme voit la face et Dieu voit le cueur et ainsi il satisfaisoit du mieulx qu'il povoit à Dieu et aux hommes. Jl parloit aux religieux de Clerevaulx en pleurant et souspirant du parfond du cueur et les admonestoit et consoloit en se tenant humblement entre eulx comme frère et non pas comme seigneur ne comme maistre. Et pour ce que la grant multitude de ceulx qui estoient avec luy et qui le suyvoient ne luy permettoit point demourer plus longuement à Clerevaulx il salua les frères et s'en retourna par Ytalie jusques à Romme. Liv. II. ch,. 34.

De quelle manière sainct Bernard vivoil.

Il refréna tellement les délectations et voluptez de gloutonnerie dès son enfance qu'il avoit presque perdu la saveur de toutes choses, et plusieurs fois il fut deceu par la

piteuse et religieuse fraude ou dévotion de ceulx qui luy adminislroienl tellement qu'il beuvoit une liqueur en lieu d'autre. Il bout aucunes fois de l'huille qui luy fut administrée par négligence sans ce que de rien s'en apperceust, et ne sceut on riens jusques à ce que ung vaillant homme survint qui se merveilloit de ce qu'il avoit les lèvres oingtes. 11 ne se povoit tenir droit, mais se seoit presque toujours et peu souvent se mouvoit. Toutes les fois qu'il se povoit soubstraire des négoces, occupations et affaires communes, ou il prioit Dieu, ou il lysoit, ou il escrivoit, ou il endoctrinoit et édifioit ses frères ou il estoit en saincte méditalion (1). Liv. III. ch. 2

Aussi une fois sainct Bernard clievaucha par l'espace d'une journée sur la rive du lac de Lausenne (1) sans ce que le vist point ne que de riens s'en aperceust. Quant vint le soir, ceulx qui estoient avec luy commencèrent à parler du dit lac qui est moult grant et moult merveilleux. Lors il leur demanda quel lac c'estoit et où il estoit; de laquelle demande ils furent tous esbahiz. et par cecy sceurent bien que point ne l'avoit veu ne apperceu. Liv. IIL ch. 5.

t . fi

Comment sainct Bernard en esprit visitait ceulx qui chantaient en l'église de Clerevaulx quant le corps n'y povoit aller.

Gérard l'abbé de Mores (2) qui est une abbaye près de Clerevaulx nous a tesmoigué qu'il avoit autre fois veu sainct Bernard visiter les frères qui chantoient en l'église en cir-

(1) Lac de Lausanne ou de Genève.

(2) Près Bar-sur-Seine. (V. V Annuaire de l'Aube, 1856, p. 5, seconde partie.

• — 30 — cuissant les cueurs et si comme il faisoit souvent exciter ceulx qui sommeilloient. tellement que l'en chantoit plus dévotement et plus vigoureusement le résidu etdemourant des vigilles. Quant vint le jour ensuyvant en parlant familièrement et priveement. le dit abbé luy demanda dont venoit que celle nuyt il avoit plus lard visité ceulx qui chantoient en cueur qu'il n'avoit acoustume. Auquel sainct Bernard respondit : J'ai esté, dit-il,, ceste nuyt très griefvement malade du corps, mais l'esprit a esté où le corps ne povoit aller. Quant l'abbé dessusdit ouyt ceste response, il fut moult esbaby et espoventé. oyant que sainct Bernard n'avoit pas esté en corps là où il le avoit veu corporellement visiter et circuir l'ung et l'autre des cueurs par grant espace de temps et mettre sa main sur chacun des frères ainsi qu'il avoit acoustume. Liv. IV. ch, 3.

Comment sainct Bernard trespassa de ce monde à la

gloire éternelle.

Finalement vint la sainctc journée en laquelle la bienheuse et saincte ame de sainct Bernard partit du corps et luy commença à lever et à luyre le jour perpétuel. Au trespas duquel furent assemblez à Clerevaulx les évesques avec grant multitude dabbez et de religieux. En laquelle journée environ à heure de tierce Iressaincte et entre tous ceulx de son temps singulière lumière, Sainct Bernard, abbé de Clerevaulx, laissa le corps mortel et s'en alla à la terre de Nostre Sauveur Jésus-Christ. Il se partit de la compagnie de ses enfants spirituelz qui estoient entour luy et qui en griefz soupirs et en grant habondance de larmes chantoient le service et faisoient les recommandations et s'en alloit en une grande et très joyeuse multi-

lude des autres qu'il avoit desjà envoyés en paradis vers la noble et glorieuse compaignie de tous les sainclz et sainctes qui s'esjouyssoient de sa venue et des sainctz anges qui luy vindrcnt au devant, le receurent solennellement et l'emmenèrent en chantant à grant joye et à grant doulceur et à grant déduit. Liv. V. ch. 1i.

Des grans multitudes de gens qui venaient à Clerevaulx pour toucker au corps sainct Bernard, et comment il fut mys en son tombeau.

Quant sainct Bernard fut trespassé de ce monde à la gloire de paradis en ofl'rant à Dieu sa saincte ame, et son corps fut honneslement appareillé et tout aorné et reveslu des habitz et vestemens sacerdotals, comme pour dire messe et porté très dévotement à l'église devant l'autel Noslre-Dame. Plusieurs grans multitudes de peuples tant nobles que non nobles furent tantost assemblées à Clerevaulx qui remplissoient toute cette vallée de pleurs et de gémissemens. Et les femmes en grande compaignie crioient et ploroienl encores plus amèrement et plus piteusement devant les portes. Car on ne les laissoit point entrer dans l'abbaye selon l'observance et coustume de l'ordre et de la religion. Le précieux corps de sainct Bernard ayant sa face descouverte et les mains semblablement demoura par l'espace de deux jours entiers emmy cette dévote congrégation, sans ce que la grâce acoustumée de son très doux visage ne la couleur fussent de riens muées ne amoindries, mais estoit acreue tellement qu'il attraioit à luy les couraiges, la dévotion et l'affection de ceulx qui le regardoient. La multitude du peuple venant de toutes

I il

if

parscroissoil lousjours moult grandemenl et y couroieiit et alloient tous à grant presse pour tenir ses benoigts pieds, pour baiser ses mains, pour y toucher du pain, des deniers d'argent, des anneaulx. des ceintures et autres telles choses qu'ils reportoient et gardoient dévottement pour et en lieu de sa bénédiclion pour avoir guarison de leurs maladies et pour ayder à autres diverses nécessitez. Et pour ce que le peuple scavoit bien que on le devoitoster et ensevelir au tiers jour, pour ce se assembloient les gens tousjours plus habondamment, tellement que le second jour à heure de midy, il y eut si grant presse de peuples qui estoient assemblez par grant dévotion tout à l'entour du sainct corps que on ne portoit presque ne honneur ne révérence aux évesques, ne aux abbez et religieux qui estoient en la présence. Et affin qu'il ne nous advenist ainsi le tiers jour ou par adventure encores plus grant empeschement, nous nous délivrasmes de l'oster devant l'heure qui estoit ordonnée, et fismes bien matin les divins sacriGces selon la couslume en chantant les messes, si comme on avoit jà fait par deux jours et en continuant tousjours la psalmodie. Puis après fut mis ce précieux corps en son vaisseau, c'est assavoir en ung tombeau de pierre....

Après que sainct Bernard, premier abbé de Clerevaulx, père et fondateur de plus de CLX abbayes, eut sainctemenl vescu tout le temps de sa vie jusques à l'aage de LXIII ans, entre les mains de ses enfans spirituelz. il rendit dévottement son esprit le XX jour d'aoust. Et fut ensevely le vingt et deuxiesme jourdu dit moys devant l'autel Nostre-Dame à laquelle il avoit esté très dévot chapelain. Et en son tombeau sur sa poitrine fut mise une petite chasse en laquelle sont contenues les reliques de sainct Jude l'apostre, lesquelles on luy avoit envoyées de Hierusalem celle mesme année et il avoit ordonné que on luy

misl sur sa poictrine, aûn que au jour du jugement et de la généralle résurrection il peust résusciter et estre avec le dit apostre. Ces choses furent faictes Tan de la saincte Incarnation mil cent cinquante-trois (i).

L'an mille deux cens et cinquante qui fut environ quatre vingtz et dix-sept ans après le trespas de saint Bernard, par la voulenté de Dieu pour tousjours ennoblir et magnifier Clerevaulx et pour exciter ses habitans à plus grande dévotion, le corps de la saincte dame Aalet de Montbar (2) fut transporté de Saint-Bénigne (3) au dit Clerevaulx, là où est en l'église et en la chapelle de sainct Saulveur qui est au millieu de la carolle tout à l'encontre et près de la tombe de sainct Bernard. 11 fut honnorablement mis et colloque le dix-neufviesme jour de mars.

(1) Livre V, chap. 12 et 13.

(2) Elisabeth, fille du comte Bernard de Montbard. La bibliothèque de Troyes possède, dil-on, la chaise de cette sainte femme.

(5) A Dijon.

illiW

iu

IMESIAIRE ET DÉCIARACION DES VOLIIMES ET IIÏRES