C. G. ESTLANDER

reconnut Tristan, si s'en va à la fenestre maintenant, et elle le vit, si dit: Ha, fait elle, benoit soit Dieu! or m*a il délivrée.

Et tous ceulx de leans montèrent erraument as fenestres pour veoir la bataille.

Palamides, qui pensoit en telle manière corne ie vous ay conté, n'entendi mie Tristan quant il ly escria, et Gouvernai descent erraument et le prent par le heaulme et le tire si fort à luy que Palamides lesse son pensier, et quant il voit Gouvernai, si li dit: Escuier, fait il, tu ne fas mie cortoisie qui ainsy me hostes mon pensier, et aultre fois Tas huy fait. Et Gouvernai ly dit: Palamides, vostre pensier ne vous vault rien, veés qui Tristan, qui vous deffie.

Quant Palamides entent ceste parole, il se lieve tout maintenant et s'adrece ver son cheval et s'apareille et monte et prent son escu et son glaive, et si dist: Tristan, fait il, moult m'eslonges de mes amours, tu me tollis premièrement Yseult en Yrlande come ie estoie au point de veoir la, et ore la reyne veuls tollir au point où ie l'ay gaaignée. — Ce ne peut estre, fait [Tristan], Palamides, coment osas-tu entrer en Cornoualle tant que tu me seusses vif P en cuides tu mener Yseult? nanil voir, ains en mouras, se ie puis. Lors metent les mains as espees, qui n'y font aultre deleaument et s'entrecourent sus sans plus dire, si entredonnent si grans coups sus les heaulmes qu'il en font le feu saillir, il se dotrenchent les heaulmes et les haubers et s'entr'apareillent si à celuy premier assault, que chascun a asses plaies et que [le plus] hetie a mestier de mire. Quant la reyne Yseult voit ceste bataille si cruelle, elle a grant paoure de Tristan, car ella set bien certainement que Palamides est trop bon chevalier et pour ce ne set elle que dire, elle voit bien apertement que chascun grève son compaignon à son pouoir. Quant elle

voit les grans coups que Palamides donne à Tristan, il ly est bien avis qu'elle les resceve, si dit qu'elle ne le peut plus souffrir, adonc descent maintenant aval et ist dehors de la tour. Quant Gouvernai voit la reyne venir, il ly va maintenant à rencontre et ly prie que elle départe celle bataille si que nul deulx ne muire, car onques ne vit deubs si bons chevaliers. le les departiray, fait elle, se ie puis. Lors s'en vint vers eulx come famé iriée et leur dit: Tristan, lessiés ceste bataille et vous, Palamides. — Dame, fait celuy, volontiers.

Lors dit la reyne à Palamides: Palamides, fait elle, vous dites que vous m'amés. — Yoirement vous aime-ge, dame, plus que moy mesmes, ne iamais n'auray ioie ne douleur se non par vous. — Certes, fait la reyne, se vous m'amés tant come vous dites, vous ne refuserois mie ce que vous demanderay. — - Madame, fait Palamides, ie feray tout ce que vous me comanderois come qu'il m'en aviengne. — le veul fait elle, que vous lessiés ceste bataille et que vous en allés en la meison du roy Artus et me salués la reyne Genevre et ly dites que ie ly mande que ly dont [dieu ly donist] ioie de ses amours et que au monde n'a que deubs dames et deubs chevaliers dont elle aime l'un et moy l'aultre. et se mon amy eust repaire en la grant Bretaigne ainsy come le sien, il fust bien autant prisié come le sien, et se nous estions ensemble entre moy et elle nous ferions iuger de nos beautés et de la bonté des amis, et si vous comande, fait la reyne, que vous ne venés iamais en lieu où ie soie, se ce n'est en la grant Bretaigne. Lors comence Palamides à pleurer et dit tout en pleurant: Dame, fait il, ce ferai-ge puisque vous me l'avés comandé.

soubtillement m'avés deceu et chacié loing de vous, mais toutes fois vous veul-ge prier que vous ne metes vostre cuer en pire lieu de moy. — Palamides, fait Yseult, ia puis

Sur le roman de Tristan.

dieu m'ayde que ie ne lerray mes premiers amours. Atant. s'en va Palamides qui n'y fait aultre deleance et s'en va trop durement blecié. et Tristan ne restoit mie trop sain.

Âdonc s'en entrent en la tour, si desarment Tristan, et Yseult ly restraint ses plaies, et puis comencent à mengier. Âpres mengier comenoe Tristan à parler à la reyne Yseult et ly dist: Dame, vous savés bien que ie n'ay mie parti mon cuer da vous, ne vous le vostre de moy, et sachiés vraiement que, se le roy Marc le set, il nous occira. pour ce loeroi-ge que nous allissions en la meson du roy Artus, car là n'aurons nous garde du roy Marc, si userons vie en ioie ensemble. — Tristan, fait la reyne, vous savés bien que nous entr'amons par force, ne nostre amour ne fu onques aperceue, et se nous allons ore en telle manière, nostre foUie sera conneue apertement, et si en seroiés donc apellé traitre de- vostre oncle et moy reyne deslealle. et pour ce loe-ge que nous en alons ariere, et telle vie que nous avons menée iusques çy, si menons iusques à temps, et se nous estions aperceus par nulle aventure, adonc prendrions nous conseill que nous pourions faire. — Dame, fait Tristan,

le voulés vous donc ainsyP — Oy, fait elle, sans faille. — Et ie le veul donc, fait Tristan, puis qu'il vous plaist, mais sachiés vraiement que, se le roy Marc nous aparsoit en nulle manière, nous n'aurons iamais si bon yssir de ses mains et hors de Cornoualle que nous [aurions] orendroit.

Que vous diroie-geP Deubs iour demorerent ensemble entre Tristan et Yseult à telle ioie et à tel soûlas come leur pleut.

Et ceulx de la tour demandèrent asses s'il avoient veu leur seigneur, et Tristan dit qu'il cuidoit que ce fust celuy qu'il avoient trouvé occis et mort. Apres ce se départirent de la tour Tristan et Yseult et Gouvernai tant seulement, comanderent moult ceulx de leans à dieu et puis se mistrent au chemin et chevauchèrent tant quil vindrent à la court. Quant il furent descendus, Tristan vint tout armé devant son oncle et dit: Oncle, dit il,' veés cy la reyne v Yseult, ie vous la rent. vous la donastes follement et ie la vous remaine à moult grant paine. et se vous amés vostre amour, si la gardés miéulx aucune fois. Le roy Marc Fen mercie moult et dit que iamais ne metra sa famé en telle aventure.

Fin du ma.

Jlll lliiï«if""°

Ch,

,>ç«Ji

;•■;/ mi ^7 lî^'^

fijiriifliiig'» ~^