C. 0. ESTLANDER

MOUS est une chose avenue dont nous somines tous couroucîés. Lors li conte corne un chevalier enmaino Yseult et par quelle manière. Ne onques, fait le roy, n*ot céans chevalier qui pour luy osast ses armes prendre. Quant Tristant ot coste nouelle, il est si durement irié quil muo toute la coulour, lors dit au roy Marc: A nom dieu, bel oncle, se celuy de Cornouallc vous ont failli, veés cy Tristan qui ne vous fault, et certes ie voldroie mieulx morir que madame Yseult fust ainsy perdue, or me dites quelles armes porte le chevalier, et le roy ly devise maintenant. A nom dieu, fait Tristan, ie le connois bien, ce est le meilleur chevalier que ie trouvaisse onques.

mais s'il estoit encore meilleur qu'il n'est, si ly convient il qu'il me rende Yseult, car ceste perte n'est mie ieu. Lors demande ses armes maintenant. Que est ce, beau neveu? fait le roy, que volés vous faire?

la nuit est si noire et si obscure que se vous estiés la hors, no verriés vous orendroit où aler, mais souffres vous iusques demain et lors irois après, et dieu ydoint faire mon prou et vostre honneur. Et Tristan dit qu'il ne remandroit en nule manière, et le roy dit que si fera. Quant Tristan voit qu'il ly convient remanoir, il est trop couroucié. lors dit par mautalent:

Oncle, fait il, vous dit mal, et quant il a dite ceste parole, il s'en entre en une chambre tout seul en tele manière, que onques | n'y entra ne le roy Maro ne Gouvernai ne | aultre, car il avoit fermé sus luy. Que vous diroie-gc? Toute la nuit ne fine Tristan de faire duel et mauldit le roy et tous ceulx de Cornoualle. Un pou devant le iour s'en ist Tristan de la chambre et mengie un petit, puis s'arme maintenant

et prent son escu et son glaive et monte sans aultre delaument, et maine avec luy Gouvernai tant seulement, et se part atant do la court sans plus dire.

Quant Tristan fu hors de Norhoult, il chevauche tant entre luy et Gouvernai qu'il vint là où Lambegues gesoit tel atourné qu'il ne savoit où il estoit, et si gesoit sus son escu, son heaulme en sa teste. Tristan le connoit maintenant as armes que ceulx de la court ly avoient devisées, quant il distrent qu'il estoit aie après le chevalier pour rescourre Tseult. Quant Tristan voit qu'il gist en terre à tele manière, il descent tout maintenant et a moult grant paour qu'il ne soit mort, il le boute et celuy tressault, et Tristan ly demande:

Sire, come vous est? — Qui estes vous?

fait Lambegues. — le suy, fait il, Tristan vostre amy. pour dieu, dites moy se vous pourois garir. — Sire, fait il, ie garisisse bien, se ie eusse mire *) et ie fuisse à repos, mais pour dieu querés mon cheval, car se ie estoie monté, ie retorneroie à la court. — Ce ferai-ge bien, fait Tristan.

Âdonc va querant sa et là et tant fait qu'il le trouve et ly amaine et ly aide tant qu'il est monté, et puis ly dit qu'il chevauche souef **) pour ce qu'il ne ly face mal, car tost pouroit estre en perill de mort, et celuy dit que si fera il. puis ly demande la voie par où Palamides alla, et celuy monstre. Lambegues chevauche tant qu'il vint à la court où il fu bien et bel receu, si dit qu'il avoit parlé à Tristan qui chevauche âpre Palamides. lia dieu, fait le roy Marc, sauvés le moy et ly donnés faire ceste emprise en telle manière que Cornoualle en soit honnorée. Ainsy disoit le roy Marc, et Tristan qui va après Palami-

*) ^Mire**, médecin, chirurgien et quiconque w» met à guérir les malades; le mot s'écrit par fois ,myero** et dérive aparemment de mirrhe,

**) ^Socf, ^ souef*, .soues**, doux, agréahle, 8tt<we, de suavU*

Sur le roman de Tristan.

des chevauche tant qu'il vint à l'eve que la reyne avoit trouvée le jour devant, et passe Teve tout le chemin que la reyne avoit fait, et trouva le chevalier que Palamides avoit occis, qui l'aloit querre, ainsy corne ie vous ay conté. Quant Tristan voit le chevalier en telle manière, il dist à Gouvernai; Par cy s'en va Palamides, veés cy de ses coups, il n'y a chevalier en Cornoualle qui tant feist bien le doit prisier qui l'aime. — Certes, dit Gouvernai, Palamides est moult preudomme. — Si m'aist dieu, maistre, se il n'amast Yseult, ie ly vousisse plus de bien qu'à homme du monde, mais qui peut estre celuy chevalier? — Certes, ie ne say, fait Gouvernai.

Adonc se remetent en lour chemin, mais il n'orent mie granment allé quant il trouvèrent deubs voies, l'une qui va en la foreste et l'aultre qui aloit à la tour où Yseult estoit. Maistre, fait Tristan, or ne say à la quelle voie Palamides va. vous irois ceste et moy ceste aultre, si nous assembleron demain à heure de midi à la crois vermeille, et qui ensois yvendra atendra son compaignon. et se vous aprenés nouelles de Palamides, vous le me dirois et ie retourneray puis là. Atant se part l'un de l'aultre. moult poise durement à Gouvernai de ce qu'il se départ de Tristan.

Gouvernai s'en va tout le chemin qui aloit à la tour et quant il est près venu, il voit Palamides qui se seoit tout armé desoubs un arbre et pensoit durement. Quant Gouvernai le voit tout maintenant, li chiet au cuer que ce est Palamides, mais il s'en doubte pour ce que maint chevaliers s'entresemblent, et quant il vint à Palamides et il voit qu'il ne se remue, il cuide qu'il dorme, si dit: Sire chevalier, esveillés vous. Palamides qui pensoit à la reyne ne l'entent mie, et Gouvernai le rapelle derechief, et il ne ly dit mot. À nom dieu, dit Gouvernai, merveilles voy, que veés cy un che-

valier qui n'ot, ne ne voit, ne si n'entent, ce n'est mie Palamides, mais ie veul savoir qui il est. Lors le prcnt pur le heaulme et le tire et li dit: Sire chevalier, esveillés vous, et Palamides se prist [s'esperit]. Quant il voit Gouvernai et il voit, qu'il ncst mie chevalier, si ly dit: D'y va, pour quoy m'as- tu hosté de mon pensier?

certes, se tu fusses chevalier, tu le comparasses [chicrement], mais or t'en va, ie te claime quite pour ce que tu n'es mit»

chevalier. — À nom dieu, fait Gouvernai, ainssois me diras ton nom. — le ay, fait il, nom Palamides. or t'en va, car nul au monde ne me pouroit donner ce que tu m'as toUu. — Savés vous, fait Gouvernai, nouvelles de la reyne Yseult? — Oy, fait Palamides, elle est en celle tour, et io suy cy pource qu'elle ne puisse issir que par moy. car se ie la pouoie tenir, ie ne demanderoie aultre. — Certes, fait Gouvernai, vous chaciés folie, car se Tristan y vient, trop tart serois à repenter. Atant s'en part Gouvernai de Palamides et tant est allé et tant se hasté qu'il voit Tristan devant luy. il ly escrie: Sire, atendés moy.

et Tristan se regarde quant il sent escrier, et quant il apersoit que ce est Gouvernai, il ly demande quelles nouvelles de Palamides. Il ly respont: Sire, ie Tay trouvé et Yseult autressy. lors ly conte en quelle manière. Sire Dieu, fait Tristan, ne soffres que nos amours soient ainsy départies!

maistre, or de l'aler, car molt me tarde durement que ie voie Palamides et que ie l'aie esprouvé. certes ie ly mostreray que ie say faire. Tant ont allé en telle manière qu'il vienent près de la tour, et encore seoit Palamides desoubs l'arbre et pensoit autressi come devant. Quant Tristan le voit, il ly escrie maintenant: Or sus, or sus, Palamides, gardés vous de moy, car ie vous defiie. La reyne Yseult qui en la tour estoit, ainsy come ie vous ay conté,