LIVRE DEUXIESME

Pour reprendre maintenant le décès dn feu roy Henry, dont nous avons cy devant commencé à parler, sitost que le cardinal de Lorraine et le duc de Guyse son frère veirent que le roy tiroit à l'extrémité, ils feirent amas de quelques gentilshommes, tant leurs serviteurs, que du prince de Ferrare, qui pour lors estoît à la cour, et du duc de Nemours et autres, lesquels ils meirent dans la garde robbe dudict duc de Guyse logé esdlctes Tournelles, pour s'en aider s'il en eust esté besoin. Et à l'instant que le roy eut rendu l'esprit, feirent monter le jeune roy dans un coche, et alla ledict duc de Nemours quérir la roine mère, qui estoit toute esplorée dans sa chambre, laquelle il amena avec le roy dans ledict coche ; et laissèrent le connestable aux Tournelles, auquel bien tost après fut envoyé le secrétaire de FAubespine lu y demander le cachet de par le roy; et luy fut mandé qu'il eust à prendre garde au corps du feu roy.

Ledict connestable deux ou trois jours après accompaigné de la ptuspart des gentilshommes qui pour lors estoyent à Paris, partit desdictes Tournelles et alla saluer le roy ; puis parla à la roine mère à part, et luy remonstra qu'elle devoit entretenir un chascun en son estât et degré si elle vouloit conserver l'authorité du roy en sa jeunesse, sans que les princes du sang s'en sentissent offensés; s'offroit de s'y employer si bien que l'authorité luy demeureroit. La roine l'en remercia, et luy promit qu'il seroit maintenu et conservé tout ainsi qu'il a voit esté du vivant du roy défunct son mary.

Or, quelque temps après que le roy avoit esté blessé, la Mare, vallet de chambre du roy, avoit esté despéché pour aller advertir le roy de Navarre, qui lors estoit en Bear, de la blessure. Lequel, ces nouvelles oyes, s'en vint à bien petites journées jusques à Vendosme, où il feit encores quelque séjour. Et ce pendant allèrent jusques là au-devant de luy les princes du sang, et entre autres monsieur le prince de Condé, son frère (prince certainement magnanime, comme il sera veu cy-après) , lequel de-.

puis la mort du feu roy Henry avoit faict démonstration d'estre mal content que ceux de Guyse tinssent en leurs mains le maniement du royaume, et qu'ils se voulussent esgaler à luy et autres princes du sang, comme il sembloit à plusieurs que lesdicts de Guyse s'estoyent efforcés et s'efforçassent de faire, le duc de Guyse mesmes s'estant peu auparavant advancé de porter la queue du manteau du roy François lors régnant, avec ledict sieur prince et monsieur le prince de la Roche-sur- Yon, la première fois qu'il estoit sorti de sa chambre vestu de dueil.

Ledict sieur prince de Condé en mesmes temps avoit rerais le sieur d'Andelot en la bonne grâce de monsieur le prince de la Roche-sur- Yon, se tenant auparavant offensé dudict sieur d'Andelot. Laquelle réconciliation fut suspecte auxdicts de Guyse ; joinct qu'ils avoyent en opinion que le connestable incitoit le roy de Navarre de se haster de venir, pour tenir auprès du roy le lieu qui luy appartenoit. Ledict roy ayant conféré avec les princes dessusdicts et plusieurs autres seigneurs et gentilshommes, qui estoyent aussi allés au-devant de lui s'offrir à luy faire service, se résolut de n'arriver à la cour qu'après les obsèques du roy faictes, pour veoir cependant comme lesdicts de Guyse et connestable se maintiendroyent ensemble. Dont lesdicts de Guyse très aises se trouvèrent, avec contenance toutesfois de grand dueil auxdictes obsèques ; lesquelles parachevées en la ville de Paris, et le corps du feu roy conduict à Sainct-Denis à la manière accoustumée, s'en allèrent coucher le mesrae soir à Sainct-Germain-en-Laye, où le roy estoit.

Et pour empescher que le roy de Navarre et le connestable ne se rencontrassent à la cour ensemble, fut arresté que le roy feroit si mauvaise chère audict connestable, qui dès le lendemain devoit arriver, qu'il seroit contrainct de se retirer en sa maison ; ce qui fut tellement exécuté que, luy arrivant au parc, le roy y estant luy tourna le dos ; ce que ne feit perdre toutesfois audict connestable son asseurauce.