AU PRINCE CHARLES, CARDINAL DE LORRAINE

Monseigneur, je n'ay plus ceste ardeur de jeunesse Qui me faisoit chanter les passions d'Amour; J'ay le sang refroidy; le jour suivant le jour En desrobant mes ans les donne à la vieillesse.

Plus Phœbus ne me plaist ny Venus la déesse.

Et la grecque fureur qui bouillonnoit autour De mon cœur, qui estoit son fidèle séjour, • Comme vin escumé sa puissance r'abaisse.

Maintenant je ressemble au vieil cheval guerrier Qui souloit couronner son maistre de laurier : Quand il oit • la trompette, il est d'ardeur espris^

Et courageux en vain se pousse en la carrière; Mais, en lieu de courir, demeure seul derrière. Et r'apporte au logis la honte pour le prix.

-oo-