CHANSON XCIV

Les fourriers d'Amours m'ont logé En un lieu bien à ma plaisance , Dont les mercy de ma puissance Et m'en tiens à eulx obligé.

Afin que tost soit abrégé Le mal qui me porte grevance, Les fourriers d'Amours m'ont logé En un lieu bien à ma plaisance.

Desjà je me sens alegé , Car acointié m'a Espérance, Et croy qu'amoureux n'a en France Qui soit mieulx que moy hébergé :

Les fourriers d'Amours m'ont logé.

iô CHARLES d'oRLÉANS.